14 krasavika Ministerstva lasnoj haspadarki płanuje praviesci ahulnarespublikanskuju dobraachvotnuju akcyju «Dzień lesu‑2007». U hety dzień płanujecca vysadzić 10 miljonaŭ dreŭ lasnych parod, zakłaŭšy takim čynam novyja lasy dla naščadkaŭ.
Pavodle słoŭ pres‑sakratara Minlashasa Ruženy Navickaj, ideja praviadzieńnia dobraachvotnaj akcyi vyklikała šmat stanoŭčych vodhukaŭ jak z boku hramadskich arhanizacyj, tak i asobnych hramadzian. «Jaje nazyvajuć śvietłaj akcyjaj, kažuć, što jaje čas daŭno nastaŭ».
Jak raskazała dalej Ružena Navickaja, zaraz rychtujecca pieralik kankretnych abjektaŭ, dzie budzie prachodzić dobraachvotnaja akcyja, i miescaŭ zboru ŭsich achvotnych. Praź niekalki dzion hetyja źviestki raźmieściać na sajcie ministerstva, a taksama buduć davodzić da hramadzian roznymi sposabami, u tym liku i praz abjavy ŭ elektryčkach. Pa bolš padrabiaznuju infarmacyju zacikaŭlenyja mohuć źviartacca ŭ Minlashas pa telefonach 220‑42‑42 i 226‑39‑59.
