Iryna Kuleša zavajavała bronzu ŭ ciažkoj atletycy 1

Čakali ŭ ciažkoj atletycy ŭznaharody ad Nastaśsi Novikavaj, a pryjšli jany zusim nie ad tych, na kaho stavili.

Spačatku bronzavym miedalom adznačyłasia Maryna Škiermankova. A siońnia ŭ vahavaj katehoryi da 75 kh treciuju prystupku pjedestału zaniała Iryna Kuleša.

Iryna z Bresta, joj 26 hadoŭ. Raniej jana nie zavajoŭvała ŭznaharod na bujnych spabaronictvach. Uziała try zapar «draŭlanych» miedali (čaćviortaje miesca) — na Alimpijadzie-2008, a taksama na dvuch čempijanatach śvietu.

U vyniku Iryna padniała 269 kh (121 + 148). Paznamahacca za vyšejšyja miescy było ciažka.

Pieršaje miesca ŭziała Śviatłana Padabiedava z Kazachstana z vynikam 291 kh (130 + 161), srebra — Natalla Zabałotnaja (Rasija) 291 kh (131 + 160). Pradstaŭnica Kazachstana apynułasia kryšku lahčejšaj, tamu i ŭziała «zołata».

U skarboncy zbornaj Biełarusi na siońniašni momant zołata, srebra i dźvie bronzy.

ZP

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH