Kolišni staršynia Viarchoŭnaha Savietu Stanisłaŭ Šuškievič kamentuje vysyłku ź Biełarusi ambasadara Švecyi Stefana Eryksana.
«Dla mianie heta navina, jakuju ja ŭsprymaju z žacham.
Mnie zdajecca, heta adzin z najlepšych ambasadaraŭ, jaki tak palubiŭ Biełaruś i ź jakim ja tak mnoha kantaktavaŭ.Kali adbyvajecca niejkaje hłupstva ŭ krainie, kali demanstrujecca durnota jejnych pradstaŭnikoŭ, jakija nia zdolnyja supraćstajać žartam moładzi, — jany pavinny navodzić žach na ambasadaraŭ. Jon nia pieršy ambasadar, jaki byŭ vysłany ź Biełarusi. Nia viedaju, jakoje jon mieŭ dačynieńnie da hetaha žartu. Mnie zdajecca, heta zusim niahiehły ŭčynak našaha vyšejšaha kiraŭnictva.
Prosta hańba! My pavodzim siabie nie jak cyvilizavanyja kraina, a jak kraina-izhoj.Zaŭvažcie, što Saviecki Sajuz nie vysyłaŭ ambasadara FRH, kali Rust prylacieŭ na Čyrvonuju płošču. Ja bačyŭ hety samalot, byŭ tam pobač. Im takaja durnota nie mahła pryjści ŭ hałavu. Jakimi b jany ni byli žachlivymi ludźmi, jany byli ludźmi adukavanymi. A ŭ nas panuje vajaŭničaje nievuctva. I voś jaki vynik. Heta najvialikšaja niedarečnaść, jakaja mahła tut u Biełarusi zdarycca».
0
0
0
0
0
0