Supracoŭniki «Uzdunrabity» padpisali pryznalnyja pakazańni ŭ atrymańni chabaru z boku MTS za ŭtojvańnie faktaŭ zavyšeńnia zakupnych cenaŭ na abstalavańnie. Rasijski ofis apieratara abviarhaje abvinavačvańni i śćviardžaje, što na rabotnikaŭ ofisa va Uźbiekistanie moža akazvacca cisk.
U MTS śćviardžajuć, što abvinavačvańni ŭ kamiercyjnym podkupie supracoŭnikaŭ daččynaj kampanii biespadstaŭnyja i absurdnyja. «Hrupa MTS zacikaŭlenaja ŭ maksimalnym źnižeńni koštu zakuplanaha va Uźbiekistanie abstalavańnia, što ŭpłyvaje na rost efiektyŭnaści biznesu», — havorycca ŭ paviedamleńni apieratara.
Pry hetym kampanija nie admaŭlaje, što «ŭ adpaviednaści z pryniatymi ŭ suśvietnaj praktycy standartami matyvacyi piersanału vykarystoŭvaje prahramy dadatkovaha materyjalnaha stymulavańnia supracoŭnikaŭ». Adnak u MTS zapeŭnivajuć, što materyjalnaje stymulavańnie rabotnikaŭ nie moža razhladacca ŭ jakaści chabaru za «zavyšeńnie cen na zakuplenaje abstalavańnie».