Hetaja tema abmiarkoŭvałasia 24 lipienia ŭ čas dakłada ministra adukacyi Siarhieja Maskieviča.
«U advarotnym vypadku vychodzić tak, što student da piataha kursa siadzić u aŭdytoryi, jamu pra niešta raspaviadajuć vykładčyki. A ja adkryta kazaŭ: mnohija vykładčyki sami platucca ŭ chvaście padziej.Pra što jany mohuć raskazać? Tak skłałasia žyćcio, što ŭ pramysłovaści, u sielskaj haspadarcy kankretnaja vytvorčaść pajšła daloka napierad. A vykładčyki, na žal, adstali. Tamu treba pieranieści centr ciažaru na vytvorčaść, na pali, na fiermy, na zavody, na fabryki, i tam vučyć budučych śpiecyjalistaŭ», — cytuje Łukašenku jaho pres-słužba.
Łukašenka ličyć, što studenty «dva hady, da prykładu, pavinny hryźci navuku ŭ ścienach akademij, univiersitetaŭ, instytutaŭ». «A astatnija dva hady, kali my skaračajem ź piaci da čatyroch hadoŭ termin navučańnia pa niekatorych śpiecyjalnaściach, jany pavinny być na peŭnaj vytvorčaści», —zajaviŭ Łukašenka.
«I jašče važna: kali čałaviek patrapiŭ nie tudy, dyk niachaj jon jašče ŭ studenckija hady zrazumieje i šukaje svaju darohu ŭ žyćci», — dadaŭ kiraŭnik dziaržavy.
«I vykładčyk budzie vučycca, jak apracoŭvać niejkija sielskahaspadarčyja kultury i jak stvarać naftachimičnuju, chimičnuju pradukcyju, i takim čynam padciahniecca da ŭzroŭniu vytvorčaści», — upeŭnieny prezident.
Łukašenka ličyć, što ŭ VNU jość mahčymaści dla aptymizacyi navučalnaha pracesu. «Niekatoryja ž pradmiety ŭ nas u mnohich VNU tolki dziela taho, kab ich prajści.Jany tysiaču hadoŭ nie patrebnyja, ich zabuducca studenty tut ža paśla zakančeńnia kursa. Dyk, moža, dzieści ich naohuł prybrać, skaracić, dzieści zrabić fakultatyvy, jak u škole, kab student ŭjaŭleńnie mieŭ?» — zadaŭsia pytańniem kiraŭnik dziaržavy.
Ale jon tut ža zaściaroh:
«Tut niebiaśpiečna i zvuzicca: budzie lekar, jaki nie viedaje historyi. Što heta takoje? Jon ža jašče i hramadzianinam pavinien być», —adznačyŭ Łukašenka.
Pa słovach ministra, hetaja praca ŭžo viadziecca. Aptymizacyja terminaŭ navučańnia zakranie kala 60% śpiecyjalnaściaŭ, u asnoŭnym piedahahičnaha, ekanamičnaha, techničnaha profilu.
0
0
0
0
0
0
