Pa spravie Pačobuta – śledčaja hrupa

Jamu paviedamili, što stvoranaja śledčaja hrupa, jakaja zajmajecca jaho kryminalnaj spravaj. Raniej śledčy byŭ adzin.

Praviedziena paŭtornaja ekśpiertyza filma pra Andreja Pačobuta «Skazany na polskość», pakazanaha na kanale «Biełsat» i 3-j prahramaj Polskaha telebačańnia. Žurnalistu paviedamili, što adzin z ekśpiertaŭ daŭ zaklučeńnie: składu złačynstva niama.

Tym časam inšy ekśpiert nastojvaje, što heta nie tak i, u pryvatnaści, možna kazać pra dyskredytacyju RB u hetym filmie.

Nahadajem, što 30 červienia Andreja Pačobuta vypuścili sa śledčaha izalatara Hrodzienskaj turmy № 1, dzie jon znachodziŭsia ad 21 červienia. Pačobut maje status abvinavačanaha pavodle kryminalnaha artykuła 367, častka 2 — «Paklop u adnosinach da prezidenta, jaki ŭtrymlivajecca ŭ publičnym vystupie, albo ŭ drukavanym ci publična demanstravanym tvory, albo ŭ ŚMI, učynieny asobaj, jakaja raniej była asudžana za paklop albo źniavahu».

Pavodle Kryminalnaha kodeksu žurnalista mohuć pakarać abmiežavańniem voli na termin da 5 hadoŭ albo pazbaŭleńniem voli na taki ž termin.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH