Hazeta «24 Hodin» raskazvaje pra novuju inicyjatyvu upravy hramadzkaha transpartu českaj stalicy. Praskim revizoram prapanujucca biaspłatnyja kursy zamiežnych moŭ. Zaniatki finansuje Eŭraźviaz u miežach prajektu «Adkrytaja i dastupnaja Praha», skiravanaha na palapšeńnie imidžu českaj stalicy za miažoj.
Štohod hramadzkim transpartam karystajecca bolš za miljon čałaviek. Prykładna tracinu składajuć inšaziemcy.
Transpartnikaŭ buduć navučać piarviestkam nia tolki anhielskaj, ale j inšych moŭ. Aproč taho, jany vyvučać na prykładach, jak vyrašać tuju ci inšuju kanfliktnuju sytuacyju. Pra toje, što na praktycy ŭ kožnaha revizora ŭžo byli kanflikty, sumniavacca nie vypadaje. Daloka nia kožny «zajac» pahodzicca vykłaści biaz boju 500 kronaŭ štrafu. Byli vypadki, kali čechi, kab paźbiehnuć pakarańnia, sprabavali vydavać siabie za inšaziemnych turystaŭ.
Navučańnie praciahniecca da siaredziny nastupnaha hodu, da hetaha času palihlotami stanuć 240 čałaviek. Pieršyja sto revizoraŭ pačnuć navučańnie ŭžo na nastupnym tydni.
