Zbor haradzkich ravarystaŭ la kinateatra Horadnia ŭ subotu staŭ nieaficyjnym adkryćciom sezonu rovarnaha ruchu. Akcyja maje nazvu «Krytyčnaja masa»: amatary dvuch kołaŭ i pedalaŭ źbirajucca razam i jeduć pa horadzie.
Tyja, chto biare ŭdzieł u hetym ruchu, nia suprać mašyn — jany suprać staŭleńnia da ravarystaŭ na darozie jak da prykraj pieraškody. «Krytyčnaja masa» — heta spakojnaja i pavažlivaja abarona svaich pravoŭ i asvajeńnie haradzkoj prastory. Ciapier jana budzie pravodzicca ŭ Horadni adzin raz na dva tydni.
Akcyja papularnaja ŭ bahata jakich krainach i ładzicca ŭ dźviuch sotniach haradoŭ. Uźnikła jana ŭ 1992 hodzie ŭ San‑Francyska.
«Ja ŭžo šmat hadoŭ ježdžu pa horadzie vyklučna na rovary, tamu z peŭnaściu mahu skazać, što narmalnych umovaŭ dla ruchu niama, — adznačaje ŭdzielnica Kaciaryna. — My chočam, kab nas ličyli raŭnapraŭnymi ŭdzielnikami darožnaha ruchu.»
U ich niama sponsaraŭ, arhanizataraŭ i palityčnaj prahramy, zatoje jość žadańnie damahčysia narmalnaj rovarnaj infrastruktury: vieładarožak, specyjalnych stajanak. Dobrym prykładam dla haradziencaŭ moža pasłužyć nastojlivaść udzielnikaŭ «Krytyčnaj masy» ŭ Čykaha, dzie jany adyhrali vyklučnuju rolu ŭ rašeńni ŭładaŭ pabudavać viełavakzał i adpaviednuju infrastrukturu.
