U Biełarusi niama hieapalityčnych ambicyj, ale jana pavinna adstojvać nacyjanalnyja intaresy i ŭmacoŭvać vajennuju biaśpieku.Pra heta, jak paviedamlaje
Łukašenka adznačyŭ, što štohadovyja pryjomy vypusknikoŭ vyšejšych vajennych navučalnych ustanoŭ Biełarusi i Rasii stali dobraj tradycyjaj, pakolki pravodziacca ŭ pačatku lipienia, kali biełaruski narod śviatkuje Dzień Niezaležnaści. «U hetyja dni my ŭspaminajem podźvih sałdat i aficeraŭ brackich savieckich narodaŭ u hady Vialikaj Ajčynnaj vajny. Heta jany, pradstaŭniki roznych nacyjanalnaściaŭ, vajavali plačom da plača i abaranili svabodu, dabrabyt i mirnaje nieba nad našaj respublikaj», — padkreśliŭ jon.
Jon adznačyŭ, što siońnia jak nikoli aktualnyja kaštoŭnaści, zavieščanyja pakaleńniem pieramožcaŭ. «Bo navat da druhoha dziesiacihodździa XXI stahodździa čałaviectva nie zdoleła vypracavać nadziejnyja miechanizmy zabieśpiačeńnia biaśpieki ŭ śviecie, — adznačyŭ Łukašenka. —
Palityki suśvietnych zvyšdziaržaŭ usio jašče sprabujuć razmaŭlać ź dziaržavami, jakija nie paddajucca ich upłyvu, na movie siły. Pra heta krasamoŭna śviedčać padziei ŭ Iraku, Jehipcie, Livii, stanovišča vakoł Irana i Siryi».
Łukašenka akcentavaŭ uvahu na važnaści ŭmacavańnia vajennaj biaśpieki Biełarusi. Jon padkreśliŭ: «My zmahli zabiaśpiečyć vysoki maralny duch i prafiesijanalizm asabovaha składu biełaruskaha vojska». Źviartajučysia da vypusknikoŭ vajennych VNU, jon skazaŭ: «Z zaŭtrašniaha dnia vy voźmiecie na siabie adkaznaść za stan i raźvićcio Uzbrojenych sił, inšych vojskaŭ i voinskich farmiravańniaŭ. Vam nieabchodna štodnia vyrašać składanyja zadačy padtrymańnia bajavoj hatoŭnaści i asnaščanaści vojskaŭ. Adnak pryjarytetnym kirunkam pracy pavinna stać umacavańnie pačućcia patryjatyzmu vajennasłužačych i najpierš sałdat. Dla hetaha ŭ kožnaha z vas jość usie nieabchodnyja jakaści, vopyt słužby i samaja dobraja sučasnaja adukacyja».
Na pryjomie Alaksandr Łukašenka ŭručyŭ padziačnyja listy prezidenta Biełarusi vypusknikam ustanoŭ vyšejšaj adukacyi. Hetych uznaharod vajennasłužačyja Uzbrojenych sił, orhanaŭ dziaržaŭnaj biaśpieki, supracoŭniki orhanaŭ i padraździaleńniaŭ pa nadzvyčajnych situacyjach udastojenyja za vydatnyja pośpiechi ŭ vučobie i ŭzornaje vykanańnie voinskaha abaviazku.
Prezident Biełarusi ŭručyŭ taksama hienieralskija pahony pradstaŭnikam vyšejšaha aficerskaha składu siłavych struktur. U pryvatnaści, čarhovaje śpiecyjalnaje zvańnie
