130-hodździe Maršała Nacyi

Na Maładziečanščynie 6–7 lipienia projdzie respublikanskaje śviata ŭ honar 130-hodździa z dnia naradžeńnia kłasika biełaruskaj litaratury Janki Kupały.

Kudy jechać na śviata?

Viazynka. Respublikanskaje śviata paezii, pieśni i narodnych ramiostvaŭ «Z adnoju dumkaju ab ščaści Biełarusi…», prymierkavanaje da 130-hodździa z dnia naradžeńnia Janki Kupały, budzie prachodzić ŭ Kupałaŭskim miemaryjalnym zapaviedniku «Viazynka» z 6 pa 7 lipienia.

Pačniecca mierapryjemstva 6 lipienia ŭ 11 hadzin: adbudziecca ŭračystaja cyrymonija ŭskładańnia kvietak da pomnika Janku Kupału. Na joj buduć prysutničać ministr kultury Respubliki Biełaruś Pavieł Łatuška, narodny artyst SSSR i Biełarusi Hienadź Aŭsiańnikaŭ, pradstaŭniki tvorčaj intelihiencyi, vytvorčych pradpryjemstvaŭ i ŭstanoŭ kultury.

7 lipienia hledačoŭ budzie čakać kancertnaja prahrama «Malusia ja niebu, ziamli i prastoru…», jakaja pačniecca ŭ 12 hadzin.

Usie achvotnyja zmohuć naviedać cikavyja ekspazicyi, knižny kirmaš, paznavalnyja majstar-kłasy, malaŭničyja vystavy. U ramkach hramadska-kulturnaj akcyi «Čytajem Kupału razam» prahučać tvory Janki Kupały, vykananyja pieramožcami konkursu čytalnikaŭ «Z Kupałam ŭ sercy». Taksama projdzie litaraturna-muzyčnaja prahrama «Adhuknisia, duša!.." Nie pakinuć biez uvahi hledačoŭ i finalisty konkursu aŭtarskaj pieśni «Kupałaŭskija vakacyi».

Budzie prapanavany šyroki vybar suvienirnaj i drukavanaj pradukcyi, vystaŭlenaj narodnymi majstrami.

Na roznych placoŭkach haściej Viazynki čakajuć raznastajnyja śviatočnyja prahramy:

13.00 — 16.00 (asnoŭnaja placoŭka)

Kancertnaja prahrama «Malusia ja niebu, ziamli i prastoru…» z udziełam:

• Nacyjanalnaha akademičnaha narodnaha choru Respubliki Biełaruś imia Hienadzia Citoviča;

• artystaŭ Dziaržaŭnaha akademičnaha teatra imia Janki Kupały i respublikanskaha teatra biełaruskaj dramaturhii;

• salistaŭ Dźmitryja Kačaroŭskaha, Andreja Usanava, Andreja Skarynkina;

• folk-miedya hurta «Nieruš» Biełaruskaha dziaržaŭnaha ŭniviersiteta;

• łaŭreata mižnarodnych fiestyvalaŭ falkłornaha ansambla «Hramnicy» Biełaruskaha dziaržaŭnaha ŭniviersiteta kultury i mastactvaŭ;

• falkłorny kalektyŭ «Tałaka» Biełaruskaha dziaržaŭnaha ŭniviersiteta kultury i mastactvaŭ;

• Biełaruskaha dziaržaŭnaha ansambla narodnaj muzyki «Śviata»;

• pradstaŭnikoŭ Sajuza piśmieńnikaŭ Biełarusi;

14.00 — 16.00 (placoŭka kala śvirna):

• litaraturna-muzyčnaja prahrama «Adhuknisia, duša!..«;

• hramadska-kulturnaja akcyja «Čytajem Kupału razam»;

• vystupleńnie finalistaŭ konkursu aŭtarskaj pieśni «Kupałaŭskija vakacyi»;

• vystupleńnie amatarskich falkłornych kalektyvaŭ h. Minska i Maładziečanskaha rajona

Na praciahu śviata ŭsie achvotnyja majuć mahčymaść naviedać:

• ekspazicyju Kupałaŭskaha miemaryjalnaha zapaviednika «Viazynka»;

• majstar-kłasy pa tkactvie, vyšyŭcy, bisieraplacieńni, kavalstvie, pa vyrabie rečaŭ z voŭny i lalek-abiarehaŭ na kirmašy majstroŭ narodnych ramiostvaŭ;

• knižny kirmaš;

• vystaŭku dziciačaha malunka «Dzieci Dona malujuć Biełaruś»;

• vystaŭku madelaŭ samalotaŭ udzielnikaŭ konkursu tvorčych rabot «Mara» (pavodle vierša Janki Kupały «Chłopčyk i lotčyk»)

Jachimoŭščyna. U piatnicu, 6 lipienia, u Jachimoŭščynie ŭpieršyniu buduć adznačać śviata vioski. Hałoŭnaj intryhaj stanie konkurs vulic.

Pra heta paviedamiła dyrektar muzieja imia Janki Kupały ŭ Jachimoŭščynie Śviatłana Cis.

Kožnaja vulica padrychtuje svaje prysmaki i budzie častavać haściej śviata. A potym vybieruć, chto lepšy haspadar. Jechać na smakatu možna z samaha rańnia — a 9 hadzinie ŭžo pačnuć vystaŭlać prysmaki, suvieniry i inšaje.

U astatnim śviatkavać buduć, jak i štohod, tolki bolš uračysta: hości pačujuć bolš vieršaŭ i piesień Janki Kupały, paŭdzielničajuć u cikavych hulniach. A apoŭnačy budzie tradycyjny kaścior.

Možna naviedać:

Muziej. U Minskim abłasnym krajaznaŭčym muziei adkrytaja vystava, pryśviečanaja 130-hodździu Janki Kupały i Jakuba Kołasa. Vystava budzie pracavać da kanca lipienia dakładna, paviedamili ŭ muziei. Možna pabačyć aryhinały vydadzienych pry žyćci piśmieńnikaŭ knih, ilustracyi da ich tvoraŭ, a taksama karciny miescaŭ, źviazanyja ź ich žyćciom.

Vystava. U centralnaj rajonnaj biblijatecy imia Maksima Bahdanoviča — vystava tvoraŭ mastakoŭ Maładziečanščyny, pryśviečanaja Janku Kupału i Jakubu Kołasu.

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH