Statkievič paprasiŭ prabačeńnia ŭ žonki za toje, što nie budzie pisać prośbu ab pamiłavańni 6

— Heta čaćviortaje telefanavańnie za apošnija paŭhoda, — skazała Maryna Adamovič. Pavodle słovaŭ žonki palitviaźnia, telefanavańnie muža stała dla jaje niečakanaściu.

— Ja tak raschvalavałasia, što nie pra ŭsio jaho raspytała, — pryznałasia Maryna Adamovič. — Hołas Mikoły hučaŭ badziora i ŭpeŭniena. Jon paprasiŭ u mianie prabačeńnia za toje, što nie padpisvaje prašeńnia ab pamiłavańni. Zrazumieła, što de-fakta heta aznačała b, što Mikałaj pryznaje svaju vinu. Ja miarkuju, što ŭ toj situacyi, kali čałaviek viadzie vajnu ź sistemaj, było b złačynstvam z boku blizkich patrabavać ad jaho padpisvać prašeńnie. Nam zastajecca tolki padtrymlivać jaho i pavažać jaho vybar.

Statkievič taksama raspavioŭ što dla taho, kab patrapić u karcar, u jakim jon pavinien adbyvać 10 sutak, u mahiloŭskaj turmie № 4 treba dačakacca čarhi. Tamu pakul jon znachodzicca ŭ kamiery SIZA.

— Kali b ź jaho nie stali rabić złosnaha parušalnika, Mikałaju naležyła b dva spatkańni ŭ hod, — z sumam kaža Maryna Adamovič. — Naŭrad ci ja ŭbaču jaho raniej 2013 hoda.

Akramia taho, Statkievič budzie žyć biez praduktovych pasyłak na praciahu hoda.

Pakolki, u adroźnieńnie ad kałonii, adbyvańnie pakarańnia ŭ turmie praduhledžvaje dla źniavolenych adnu banderol da dvuch kiłahramaŭ u hod.

— Dla źniavolenych u turmie pad zabaronaj prahułki, — skazała Maryna Adamovič. — Ni sonca, ni travy hetym letam Mikałaj nie ŭbačyć.

Salidarnaść

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH