Top-5 samych darahich numaroŭ u hatelach Minska 4

Časta lepšyja numary ŭ lepšych hatelach nazyvajucca prezidenckimi. Heta nie značyć, što ŭ ich mohuć spyniacca tolki kiraŭniki dziaržaŭ. Zorki šoŭ-biźniesu, bujnyja biźniesmieny i palityki taksama dazvalajuć sabie «prezidenckija» ŭmovy pražyvańnia. A voś siaredniamu minčuku nie chopić cełaj zarpłaty (4,5 miljony rubloŭ pavodle śviežaj statystyki), kab pieranačavać u samych prestyžnych apartamientach niekatorych staličnych hatelaŭ.

Finance.tut.by skłaŭ padborku samych elitnych numaroŭ u hatelach Minska, daviedaŭsia ich košt i vyśvietliŭ, jakija znakamitaści ŭ ich spynialisia.

5 miesca

«Płanieta»: VIP-apartamienty

Płošča: 120 kv. mietraŭ

Košt: 5,07 młn rubloŭ (dla zamiežnikaŭ), 3,4 młn rubloŭ (dla biełarusaŭ).

Hatel «Płanieta» byŭ pabudavana da maskoŭskaj Alimpijady 1980 hoda. Jaje VIP-apartamient staŭ pieršym numaram vysokaha ŭzroŭniu ŭ našaj krainie. Usie jaho piać pakojaŭ aformlenyja ŭ kłasičnym styli i abstaŭlenyja italjanskaj meblaj. Na ścienach — pracy biełaruskaha mastaka Leanida Handyša, a paścielnuju bializnu šyje na zamovu abjadnańnie «Biełmastacpromysły» Kiraŭnictva spravami prezidenta.

U administracyi hatela «Płanieta» nam raspaviali, što numar praktyčna zaŭsiody zaniaty. Biełaruskija znakamitaści tut nie spyniajucca, zatoje zamiežnych chapaje. Tut byvali Chulia Ihlesijas i Patrysija Kaas.

Što tyčycca rasijskaj elity, u VIP-apartamientach načavali akciory Siarhiej Biazrukaŭ i Aleh Mieńšykaŭ, dyryžor Jury Bašmiet, hiendyrektar TRA Sajuza Ihar Uholnikaŭ.

U hetym numary nieadnojčy prachodzili kinazdymki. Apartamienty ŭžo «zaśviacilisia» u filmie «Na śpinie ŭ čornaha kata» i sieryjale «Volf Miesinh».

4 miesca

«Viktoryja»: Trochpakajovyja apartamienty

Płošča: 120 kv. mietraŭ

Košt: 6,8 młn rubloŭ (1 čałaviek), 6,9 młn rubloŭ (2 čałavieki)

«Viktoryja» pazicyjanuje siabie jak biźnies-hatel, raźličany na dziełavych turystaŭ. Čaściej za inšych siudy pryjazdžajuć rasijskija, niamieckija i italjanskija biźniesmieny.

Pradstaŭniki biełaruskaha biźniesu ŭ hateli taksama spyniajucca, ale ŭ samyja darahija apartamienty jany nie zasialalisia. Miž tym popyt na ich možna nazvać stabilna vysokim. Zvyčajna hety numar zdymajuć 6–8 raz za miesiac, choć zdarałasia, što jaho braniravali i 11, i 15 raz u miesiac.

Samym kałarytnym hościem trochpakajovych apartamientaŭ staŭ šejch z adnoj z arabskich krain. Jon pražyvaŭ u ich miesiac razam z žonkaj-biełaruskaj, dziećmi i słuhami, jakija hatavali jamu stravy nacyjanalnaj kuchni prosta ŭ numary.

3 miesca

«Minsk»: VIP-suite (prezidencki)

Płošča: 175 kv. mietraŭ

Košt: 7,3 młn rubloŭ (1 čałaviek), 7,5 młn rubloŭ (2 čałavieki)

Niahledziačy na prystojny košt prezidenckaha numara, u hateli «Minsk» nieadnojčy sutykalisia ź situacyjaj, kali klijenty žadali zasialicca va ŭžo zabraniravanyja apartamienty. Naprykład, adnojčy hramadzianie Irana «ŭviali» try lepšyja numary ŭ delehacyi rasijskich palitykaŭ.

Palityčnaja elita niaredka naviedvaje hatel «Minsk». U VIP-suite načavaŭ rasijski ministr zamiežnych spraŭ Siarhiej Łaŭroŭ, były ministr finansaŭ Rasii Alaksiej Kudryn, ciapierašni prezident Ukrainy Viktar Janukovič.

Pabyvała ŭ hetym numary i ciažkaja artyleryja rasijskaha šoŭ-biźniesu: Ała Puhačova, Filip Kirkoraŭ, Łajma Vajkule, Iryna Alehrava.

U 2011-m naviedvalnaść VIP-numaru ŭpała. Na pieršy pohlad, devalvacyja nie pavinna była paŭpłyvać na jahonuju papularnaść. U hatelach žyvuć u asnoŭnym zamiežniki, jakim padzieńnie rubla tolki na ruku — pajezdka abydziecca tańniej. Adnak u hateli «Minsk» patłumačyli, što za zamiežnych haściej časta płaciać biełaruskija arhanizacyi, jakija ich zaprašajuć.

Na pačatku 2012 hoda administracyja hatela amal na 300 dalaraŭ źniziła košt na prezidencki numar. U minułym hodzie jon kaštavaŭ 1171 dołar. Na pytańnie ab pryčynach u hateli łakanična adznačyli, što źnižeńnie koštu zrabiła numar bolš dastupnym dla klijentaŭ.

½ miesca

Crowne Plaza Minsk: Prezidencki luks

Płošča: 104 kv. mietry

Košt: 12,1 młn rubloŭ (1 čałaviek), 12,5 młn (2 čałavieki)

U hateli Crowne Plaza Minsk 115 numaroŭ roznaha kłasa. Košt standartnych pačynajecca z 2,3 miljonaŭ rubloŭ, samyja darahija kaštujuć bolš za 1 tysiaču jeŭra za noč. Prezidenckich luksaŭ dva. Da kožnaha ź ich viadzie piersanalny lift. Numary adroźnivajucca adzin ad adnaho tolki afarmleńniem: adzin vykanany ŭ błakitnych, a inšy ŭ ružovych tanach.

Na pieršym paviersie prezidenckaha luksa mieścicca haścioŭnia, kabiniet, sauna, vanny pakoj. Na druhim paviersie — spalnia i druhi vanny pakoj. U apartamientach try LCD televizary, a ŭsia mebla zroblenaja uručnuju ŭ Italii.

Kali ŭ lepšym numary hatela «Minsk» pabyvała niamała palitykaŭ, to ŭ hetych apartamientach spyniajucca ŭ asnoŭnym suśvietna viadomyja muzyki:

hurty Scorpions, Korn, 30 seconds to Mars, śpiavak Enrykie Ihlesijas. Taksama tut spyniaŭsia samy bahaty, pavodle viersii časopisa Forbes, rasijski vykanaŭca — Stas Michajłaŭ.

Časta biełaruskija kampanii branirujuć prezidencki numar dla svaich zamiežnych partnioraŭ. Tut ža idzie abmierkavańnie šmatlikich inviestycyjnych prajektaŭ, jakija realizujucca ŭ Minsku.

1–2 miesca

«Jeŭropa»: Presidential Suite

Płošča: 124 kv. mietry

Košt: 12,1 młn rubloŭ (1 čałaviek), 12,6 młn rubloŭ (2 čałavieki)

Hatel «Jeŭropa» adkryŭsia ŭ 2007 hodzie. Kab pahladzieć na haradskuju ratušu z akna prezidenckaha numara, treba mieć u kašalku nie mienš za tysiaču jeŭra. Apartamienty, raźmieščanyja na 6 paviersie, abstaŭleny meblaj biełaruskaj vytvorčaści. Na košt prezidenckaha numara, jak nam patłumačyli, upłyvaje nie stolki raskoša interjeru, kolki vialikaja płošča, najaŭnaść sauny i pracoŭnaha kabinieta.

Suśvietnyja zorki, jakija čas ad času zajazdžajuć u Minsk, addajuć pieravahu piacizorkavym hatelam. Takich u biełaruskaj stalicy tolki dva — Crowne Plaza Minsk i «Jeŭropa».

Administracyja hatela «Jeŭropy» infarmacyju pra svaich haściej vydavać admoviłasia.

0

0

0

0

0

0

finance.tut.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH