Biełaruś i Rasiju «adroźnivaje imknieńnie da stvareńnia bolš spraviadlivaha i demakratyčnaha śvietaparadku, jaki bazirujecca na viadučaj roli Savieta Biaśpieki Arhanizacyi Abjadnanych Nacyj u padtrymańni miru i biaśpieki, viaršenstva mižnarodnaha prava, šmatbakovych i kalektyŭnych padychodach da vyrašeńnia aktualnych hłabalnych i rehijanalnych prablem». Z takoj zajavaj vystupili 25 červienia ministry zamiežnych spraŭ dźviuch krain z nahody
«My aktyŭna vystupajem za raźvićcio šyrokaha, niedyskryminacyjnaha i ŭzajemavyhadnaha partniorstva u intaresach miru i roskvitu ŭsich krain i narodaŭ», — padkreślivajuć Siarhiej Martynaŭ i Siarhiej Łaŭroŭ.
«Klučavoj padziejaj» u dvuchbakovych adnosinach Biełarusi i Rasii ŭ zajavie nazyvajecca padpisańnie 8 śniežnia 1999 hoda Dahavora ab stvareńni Sajuznaj dziaržavy. «Dasiahnutyja ŭ miežach sajuznaha budaŭnictva vyniki faktyčna adkryli šlach da zapusku jakasna novaha miechanizmu intehracyi — Mytnaha sajuza i Adzinaj ekanamičnaj prastory Biełarusi, Kazachstana i Rasii», — zaznačajecca ŭ zajavie.
Kiraŭniki źniešniepalityčnych viedamstvaŭ nahadvajuć ab zadačy, što staić pierad Minskam i Maskvoj, — stvareńnie Jeŭrazijskaha ekanamičnaha sajuza «jak jakasna novaha etapu ŭ intehracyjnym pracesie, jaki pryviadzie da važkaha ŭmacavańnia pazicyj našych krain na mižnarodnych rynkach i stvoryć dadatkovyja mahčymaści dla paskoranaj madernizacyi ich ekanomik».
Charakternaj asablivaściu dvuchbakovych adnosin ministry ličać «intensiŭny palityčny dyjałoh». «Rehularnyja asabistyja kantakty vyšejšych kiraŭnikoŭ Biełarusi i Rasii nabyli asablivy, daviaralny charaktar», — skazana ŭ zajavie. «Vyklučnaje značeńnie dla raźvićcia intehracyjnaha ŭzajemadziejańnia», pavodle acenki ministraŭ, mieli pasiadžeńni Vyšejšaha dziaržsavieta Sajuznaj dziaržavy 25 listapada 2011 hoda i aficyjny vizit Uładzimira Pucina ŭ Minsk 31 maja hetaha hoda.
U zajavie adznačana «dynamičnaje raźvićcio
«Raźvićcio stratehičnaha partniorstva Biełarusi i Rasii i zbližeńnie dvuch brackich narodaŭ zaklikana nadać novy impuls pastupalnamu raźvićciu šmatpłanavych dvuchbakovych adnosin i stanie załoham biaśpieki, stabilnaści i roskvitu našych dziaržaŭ u XXI st.», — miarkujuć ministry zamiežnych spraŭ dźviuch krain.
Na dumku Sierhieja Martynava i Siarhieja Łaŭrova, «ćviordy nastroj» Biełarusi i Rasii «na dalejšaje pahłybleńnie ŭsiebakovych intehracyjnych pracesaŭ i stvoranyja na hetym šlachu zadzieły dazvalajuć z aptymizmam hladzieć u budučyniu».