Park savieckaj epochi źjavicca ŭ Homieli, paviedamiŭ kiraŭnik administracyi Savieckaha rajona Homiela Aleh Vialička.
Park budzie stvorany na terytoryi Savieckaha rajona ŭ adnym sa starych mikrarajonaŭ, naprykład, dzie jość «chruščoŭki». Jaho infrastruktura budzie maksimalna nabližanaja da minułaj epochi. U parku płanujecca raźmiaścić telefonnyja budki, łavy, jatki z marozivam i inšyja elemienty, jakija nahadvajuć savieckija časy.
Adno z centralnych miescaŭ advodzicca pomniku Leninu, jaki płanujuć pieranieści z vulicy Barykina.
«Stvareńnie takoha niezvyčajnaha miescy ŭ horadzie — całkam apraŭdana, bo ŭ nas vielmi šmat vulic, jakija nahadvajuć pra toj čas: praśpiekt Kastryčnika, vulica «60 hadoŭ SSSR» i inš. Naša administracyja nie maje namier taksama źmianiać svaju nazvu i budzie rabić usio, kab miascovyja žychary hanarylisia svaim rajonam i jaho dasiahnieńniami «, — skazaŭ Aleh Vialička.
Da abmierkavańnia prajekta ŭłady zaprašajuć usich hamielčukoŭ.«U nas šmat kreatyŭnych ludziej, tamu ŭ stvareńni brendu „saviecki“ i parku savieckaj epochi my prapanujem uziać udzieł nie tolki kiraŭnikoŭ administracyi, ale i moładź, ŚMI i ŭsich zacikaŭlenych ludziej», — adznačyŭ kiraŭnik administracyi.
Aleh Vialička dadaŭ, što heta nie adziny prajekt pa dobraŭparadkavańni rajona. Tak, naprykład, u vieraśni da śviata horada ŭ parku «Fiestyvalny» budzie adkryta Aleja zakachanych. Heta budzie svojeasablivaja zona adpačynku z tematyčnymi łavami, arkami, lichtarami i małymi architekturnymi formami.
