Vieniesueła stała suśvietnym lidaram pa zapasach nafty, abahnaŭšy Saudaŭskuju Araviju. Ab hetym havorycca ŭ štohadovym «Statystyčnym ahladzie suśvietnaj enierhietyki» (Statistical Review of World Energy), padrychtavanym naftahazavaj kampanijaj BP.
Pavodle danych VR, na kaniec 2011 hoda dakazanyja zapasy nafty ŭ Vieniesuele skłali 296,5 młrd. barelaŭ, abo amal 18% ahulnasuśvietnych zapasaŭ. Zapasy nafty ŭ Saudaŭskaj Aravii ŭ kancy minułaha hoda znachodzilisia na adznacy 265,4 młrd. barelaŭ (16%).
Na trecim miescy ŭ śviecie pa dakazanych naftavych zapasach znachodzicca Kanada sa 175,2 młrd. barelaŭ (11%).
Rasija, pa padlikach VR, maje zapasy ŭ 88,2 młrd. barelaŭ (5,3%).
Suśvietnyja zapasy nafty pavialičylisia pa vynikach 2011 hoda na 1,9 pracenta da 1,65 trłn. barelaŭ ź pierahledžanych 1,62 trłn. barelaŭ u 2010 hodzie.
