Ranicaj u sieradu supracoŭniki rasijskaj palicyi ačyścili łahier apazicyi na Čystych prudach, viadomy jak «AkupajAbaj». Paviedamlajecca, što zatrymana kala 20 čałaviek.
Pavodle słovaŭ adnaho ź lidaraŭ apazicyi Illi Jašyna, na Čystych prudach nočču było kala 100 čałaviek.
Dniom u aŭtorak Basmanny sud Maskvy pastanaviŭ likvidavać łahier apazicyi, jaki znachodzicca tam z 8 maja.
«Palicyja ŭžyvała siłu i raściahvali ludziej pa aŭtazakach. Śpiecsrodki nie ŭžyvalisia, bo ludzi nie akazvali nijakaha supracivu, dy i dziŭna było b jaho čakać ad tych, chto spaŭ i kaho faktyčna vyciahvali sa spalnych miaškoŭ», — raspavioŭ Jašyn.
Apazicyja maje namier stvaryć novy łahier.Spačatku havorka išła ab Trubnaj płoščy, ale, jak raspavioŭ Illa Jašyn i paćvierdziła ŭ svaim mikrabłohu Twitter televiadučaja Ksienija Sabčak, tudy ŭžo ściahnutyja siły palicyi.
Ciapier aktyvisty sprabujuć sabracca na Kudrynskaj płoščy,kala žyłoha hmachu na stancyi mietro «Barykadnaja». Zaraz tam znachodzicca kala 60 čałaviek.
0
0
0
0
0
0
