Sioletniaja amnistyja moža nie raspaŭsiudžvacca na źniavolenaha pravaabaroncu Alesia Bialackaha. Pra heta paviedamiŭ pravaabaroniec-viasnoviec Valancin Stefanovič.
«Jak praviła, Zakon ab amnistyi praduhledžvaje katehoryi źniavolenych, na jakija amnistyja nie raspaŭsiudžvajecca. Naprykład, kali asudžany nie staŭ na šlach vypraŭleńnia ci parušaŭ režym utrymańnia. A taksama, jak praviła,
ukazvajecca ŭ jakaści padstavy nieraspaŭsiudu amnistyi toje, što ŭ dačynieńni asoby jość materyjalnyja pretenzii dy pazovy, nie pahašanyja na momant pryniaćcia zakonu, –havoryć Valancin Stefanovič. – Tearetyčna heta moža stvaryć takuju situacyju, što amnistyja nie budzie raspaŭsiudžvacca na Alesia Bialackaha. Chacia kali b raspaŭsiudžvałasia, to ź jahonaha terminu mahli b źniać hod».
Sud Pieršamajskaha rajonu Miensku pastanaviŭ, što Aleś Bialacki musić vypłacić jašče Br 140 młn, zadavoliŭšy takim čynam hramadzianskuju pozvu padatkovaj inśpiekcyi.Pasiedžańnie suda adbyłosia 29 sakavika ŭ adsutnaść Bialackaha. Havorka idzie pra hrašovyja srodki, jakija pieraličvalisia na zamiežnyja rachunki Alesia Bialackaha dy pryznačalisia na akazańnie padtrymańnia achviaram palityčnych represijaŭ – vypłatu štrafaŭ, apłatu advakataŭ. Sud paličyŭ hetyja hrošy asabistym prybytkam Bialackaha dy abaviazaŭ jaho spłacić padatak. Pry hetym sumu «prybytku» praindeksavali, z-za čaho jana padvoiłasia. Na hetuju sumu padatkaviki i sud naličyli pieniu. Sudovaje rašeńnie pakul nie ŭstupiła ŭ zakonnuju siłu.
Valancin Stefanovič miarkuje, što sama indeksacyja sumy, jakuju sud paličyŭ naniesienaju strataju, nie zakonnaja.
«Padatkovy kodeks nie praduhledžvaje nijakich varyjantaŭ madernizacyi sumy zapazyčanaści, akramia jak pienia. Suma zapazyčanaści i pienia – heta moža być, ale suma zapazyčanaści, praindeksavanaja ŭ 2,5 razy, i pienia – heta, ja liču, absalutna niezakonna i biespadstaŭna», – padkreślivaje pravaabaronca.
Ciapier Aleś Bialacki padaŭ dadatak da nahladnaj skarhi na imia staršyni Mienskaha haradskoha suda, dzie taksama stavicca pytańnie pra hetyja vypłaty, paviedamiŭ Valancin Stefanovič.
Aleś Bialacki – vice-prezident Mižnarodnaj fiederacyi pravoŭ čałavieka, kiraŭnik zakrytaha ŭładami pravaabarončaha centru «Viasna» – asudžany na 4,5 hady pazbaŭleńnia voli ŭ kałonii ŭzmocnienaha režymu z kanfiskacyjaj majomaści. Sud Pieršamajskaha rajonu Miensku pryznaŭ jaho vinavatym va ŭtojvańni prybytkaŭ u asabliva bujnym pamiery.
