5 krasavika pamior Džym Maršał — stvaralnik adnoj z samych viadomych marak uzmacnialnaj aparatury. Uzmacnialnikami Marshall dahetul karystajucca tysiačy muzykaŭ.
U 1960-ja bubnač Džym Maršał pracavaŭ u muzyčnaj kramie, dzie rehularna vysłuchoŭvaŭ ad hitarystaŭ skarhi na drennyja ŭzmacnialniki. Stamiŭšysia ad narakańniaŭ, Maršał pasprabavaŭ dapracavać uzmacnialnik marki Fender. Atrymałasia nastolki ŭdała, što ŭžo ŭ kancy 60-ch «maršałami» karystalisia ŭsie bolš-mienš znanyja muzykanty ad The Who da Deep Purple.
Džym Maršał pamior u vieku 88 hadoŭ. Razam ź Lea Fenderam i Lesam Połam jon ličycca adnym sa stvaralnikaŭ sučasnaj muzyki, prynamsi, znakamity «huk 60-ch» biez aparatury Maršała ŭjavić niemahčyma.