Asobny scenar śviatkavańnia hadaviny BNR majeKansiervatyŭna-chryścijanskaja partyja BNF. Minharvykankam nie zadavoliŭ zajaŭku partyi na praviadzieńnie mitynhu 25 sakavika ŭ Kijeŭskim skviery, a na płošču Banhałor KCHP BNF iści admaŭlajecca.
Namieśnik staršyni partyi Jury Bieleńki: «My padavali zajaŭku na praviadzieńnie mitynhu ŭ Kijeŭskim skviery. Siońnia pryjšoŭ admoŭny adkaz pavodle nadumanaj pryčyny. Napisana, što ŭ našaj zajaŭcy niedastatkova prapisana, jakim čynam my budziem arhanizoŭvać miery biaśpieki.
Hetkim čynam, nam ułady nie dajuć dazvołu na śviatkavańnie i, ja dumaju, nikomu b nie dali, kali b chtości zajaviŭ nie toje miesca, jakoje ŭłady demanstratyŭna vyznačyli — „sabačnik“ na Banhałory.
Tamu siońnia ja prapanuju svaim kaleham, kab u našych strukturach na śviata byli arhanizavanyja svaje śviatočnyja scenary. Heta mohuć być i kancerty, i sustrečy, i naviedvańnie pomnych miescaŭ, a taksama inšyja mierapryjemstvy. Tut treba vybirać: ci zastacca biez dazvolenaha masavaha mierapryjemstva i arhanizavać tyja imprezy, jakija mahčyma ŭ hetaj situacyi, ci skazać: my zhodnyja z tym źniavažlivym miescam, jakoje vydzielili ŭłady, i pryznajem, što našaje miesca tam».