Jak paviedamlaje sajt Hienprakuratury, praviarajucca zajavy, što prahučali ŭ ŚMI z boku asobnych asob, pra toje, što Sańnikavym — «jaki adbyvaje pakarańnie za arhanizacyju masavych biesparadkaŭ, jakija supravadžalisia pahromami, hvałtam i źniščeńniem majomaści» — prašeńnie ab pamiłavańni napisana nibyta pad ciskam».
«Zaraz materyjały staranna vyvučajucca. Paśla ich abahulnieńnia i padrychtoŭki adpaviednaha zaklučeńnia jany buduć nakiravanyja ŭ kamisiju pa pamiłavańni pry prezidencie Respubliki Biełaruś, jakaja razhledzić ich u adpaviednaści z rehłamientam raboty», — havorycca ŭ paviedamleńni.
Nahadajem, Andrej Sańnikaŭ prysudžany da piaci hadoŭ pazbaŭleńnia voli ŭ kałonii ŭzmocnienaha režymu pa abvinavačvańni ŭ arhanizacyi masavych biesparadkaŭ 19 śniežnia 2010 hoda.
U kancy studzienia 2012 hoda stała viadoma, što jon napisaŭ prašeńnie ab pamiłavańni.Pa słovach žonki palityka Iryny Chalip, jano było napisana jašče 20 listapada 2011 hoda pad katavańniami. Adnak u MUS śćviardžajuć, što Sańnikaŭ napisaŭ prašeńnie 23 śniežnia, i 23 studzienia jano było pieradadziena ŭ adździeł pa pytańniach hramadzianstva i pamiłavańnia Administracyi prezidenta.
