Z palitviaźniem u śledčym izalatary na vulicy Vaładarskaha ŭ Minsku sustrełasia jahonaja žonka Alena Kavalenka.
Razam z saboj na spatkańnie z mužam jana ŭziała 9-miesiačnuju dačku. Alena Kavalenka paviedamiła, što Siarhiej ź ciažkaściu pryjšoŭ na spatkańnie — praź niekalki chvilin paśla taho jak jano raspačałosia pamiž inšymi viaźniami i ich svajakami.
Jana taksama paviedamiła, što tempieratura cieła Siarhieja trymajecca ŭ miežach 35 hradusaŭ, vaha — 50 kiłahramaŭ.
Jamu pa-raniejšamu prymusova staviać kropielnicy i, jak paviedamiła kiraŭnik miedsančastki turmy, zaŭtra da Siarhieja budzie vyklikany ŭrač-reanimatołah, ź jakim jany buduć raicca pra novyja zachady ŭ spravie vyviadzieńnia palitviaźnia z haładoŭki. Nie vyklučana, što jaho pačnuć prymusova karmić.
Jak paviedamiła Alena Kavalenka, padčas hadziny spatkańnia ź Siarhiejem pobač ź imi znachodzilisia troje supracoŭnikaŭ milicyi, jakija zabaraniali razmaŭlać na temu palityki.
***
Nahadajem, što Siarhiej Kavalenka pačaŭ haładoŭku jašče 19 śniežnia 2011 hoda. Praz 30 dzion pad ciskam administracyi Viciebskaha SIZA jon jaje prypyniŭ. I ŭznaviŭ 8 lutaha, paśla taho, jak u internecie źjaviŭsia abraźlivy videarolik, patajemna źniaty ŭ viciebskim SIZA, dzie pakazana, jak jon užyvaje ježu.
Kavalenka asudžany 24 lutaha 2012 hoda za ŭchileńnie ad pakarańnia ŭ vyhladzie abmiežavańnia svabody na 2 hady i 1 miesiac źniavoleńnia. A da abmiežavańnia voli jon prysudžany za toje, što vyviesiŭ bieł-čyrvona-bieły ściah na navahodniaj jołcy ŭ Viciebsku ŭ studzieni 2010 hoda.
