Vodny maršrut z «varahaŭ u hreki» pa Mahiloŭščynie budzie startavać u Aleksandryi 1

U Mahiloŭskaj vobłaści viaducca pracy pa stvareńni novaha vodnaha turystyčnaha maršrutu «Z varah u hreki», jaki budzie prachodzić pa Dniapry.

Novy vodny maršrut Aleksandryja — Mahiloŭ — Bujničy — Barkałabava praduhledžvaje naviedvańnie šerahu miescaŭ va ŭsich hetych nasielenych punktach.

Tak, u Mahilovie i Aleksandryi praduhledžvajucca ekskursii, u Barkałabava — vizit u miascovy manastyr, dzie kaliści byŭ napisany viadomy Barkałabaŭski letapis, u Bujničach — naviedvańnie zaasada, etnahrafičnaj vioski, apietaha Kanstancinam Simanavym Bujnickaha pola.

Jak raspavioŭ inicyjatar prajekta, dyrektar Mahiloŭskaha prafiesijnaha ahralesatechničnaha kaledža Hieorhij Malinoŭski, u Bujničach dla takich vodnych turystaŭ, jakija buduć padarožničać užo najaŭnymi katarami na 30–70 pasažyraŭ; praduhledžana pabudavać prystań, estakadu praz popłaŭ i sierpantyn-leśvicu. «Katar prybyŭ na prystań. Ad prystani mietraŭ 800–900 pieški pa leśvicy padymajucca na pasadačnuju placoŭku na dyližans i łando», paviedamlaje ej.by.

Na ich naviedvalniki buduć kiravacca ŭ zaasad. Taksama tam užo jość konnaja darožka, rovarnaja i piešaja, daŭžynioj 2 km», — raspavioŭ jon.

Łando i dyližans płanujecca zamović u Polščy. Košt kožnaha — kala 20 tysiač jeŭra.

Taksama ŭ Bujničach zaraz viadziecca pierabudova byłoha internata kaledža pad haścinicu na 200 pastajalcaŭ. Jak raspavioŭ Hieorhij Malinoŭski, u joj buduć uładkavanyja dvuchmiesnyja numary z vyhodami, praduhledžany dyska-kłub, internet-kafe, zała dla fizičnych praktykavańniaŭ.

Jak adznačyŭ Malinoŭski, pabudavać haścinicu płanujecca da lipienia, estakadu, sierpantyn-leśvicu, infrastrukturu dla invalidaŭ — da vosieni. Adnak na dadzieny momant prablemaj źjaŭlajecca niedachop finansavańnia. Raniej Mahiloŭski abłvykankam vydzieliŭ na realizacyju prajekta 3,8 młrd rubloŭ.

«Ale hetyja hrošy vydzialalisia 2 hady tamu. Ciapier jany nie majuć toj vahi, što raniej», — kaža dyrektar kaledža.

Razam z tym, Hieorhij Malinoŭski nastrojeny aptymistyčna adnosna płanaŭ ŭvasableńnia novaha turystyčnaha maršrutu ŭ žyćcio i spadziajecca, što hrošy buduć znojdzienyja.

Akramia taho, jon ličyć metazhodnym raźvićcio maršrutu z pryciahnieńniem zamiežnych inviestaraŭ, u pieršuju čarhu z krain Skandynavii.

«Treba klikać datčan, šviedaŭ, i puskać maršruty nie tolki z Aleksandryi, a z vytokaŭ Dniapra abo z Bałtyjskaha mora, pa tych miescach, dzie ładździ pa ziamli ciahali. Jość ludzi biźniesu, jakija mohuć zacikavicca hetym», — upeŭnieny inicyjatar novaha prajekta.

***

Pavodle aficyjnaj bijahrafii Łukašenka naradziŭsia ŭ Kopysi Aršanskaha rajona, Aleksandryja Škłoŭskaha rajona pobač, na inšym baku Dniapra. Mienavita tut da vajny žyła jaho maci, tut jana zastałasia paśla naradžeńnia syna.