Nacbank adznačaje palapšeńnie situacyi ŭ ekanomicy i hrašova-kredytnaj śfiery 1

Nacyjanalny bank Biełarusi ŭ studzieni-sakaviku 2012 hoda adznačaje palapšeńnie situacyi ŭ ekanomicy i hrašova-kredytnaj śfiery, što «śviedčyć pra dziejsnaści i adekvatnaści» prymajemych sumiesna z uradam stabilizacyjnych mier. Ab hetym havorycca ŭ paviedamleńni ŭpraŭleńnia infarmacyi hałoŭnaha banka krainy.

Adznačajecca, u pryvatnaści, što za luty 2012 hoda spažyvieckija ceny vyraśli na 1,5% pry ich pryroście za śniežań 2011 hoda na 2,3%, za studzień 2012 hoda — 1,9%, za dva tydni sakavika — 0,8%. Takaja dynamika spažyvieckich cen śviedčyć ab zapavolvańni inflacyjnych pracesaŭ u ekanomicy, ličać u Nacbanku.

Dalejšaje palapšeńnie stanu źniešniaha handlu i źnižeńnie źniešnieekanamičnych dysbałansaŭ u vyniku praviadzieńnia zbałansavanaj makraekanamičnaj, biudžetna-padatkovaj i hrašova-kredytnaj palityki abumoŭlivajuć ustojlivuju dynamiku abmiennaha kursu. Na 20 sakavika košt košyka zamiežnych valut skłaŭ 2.847,2 rubla, umacavaŭšysia ŭ paraŭnańni z 1 studzienia 2012 hoda na 0,65%.

Jak adznačajuć u Nacbanku, raźvićcio stanoŭčych tendencyj u źniešnim handli supravadžałasia ŭstojlivym pieravyšeńniem prapanovy zamiežnaj valuty nad popytam na ŭnutranym valutnym rynku, što dazvalaje naroščvać zołatavalutnyja reziervy.

Rost prodažu pradpryjemstvami zamiežnaj valuty zvyš abjomu kupli staŭ vynikam pavieličeńnia pastupleńniaŭ valutnaj vyručki ŭ krainu.

Dynamika terminovych układaŭ nasielnictva adlustroŭvaje ŭzmacnieńnie źbierahalnych pracesaŭ u ekanomicy. Z pačatku hoda nasielnictva pryniesła ŭ banki ŭ nacyjanalnaj i zamiežnaj valutach kala 4,9 trłn. rubloŭ. Asabliva ŭ Nacbanku ličać nieabchodnym adznačyć narastajučy rost rublovych układaŭ nasielnictva ŭ bankach, jaki skłaŭ 2,5 trłn. rubloŭ za studzień-luty 2012 hoda. Taki rost šmat u čym zabiaśpiečany značnym stanoŭčym uzroŭniem realnych pracentnych stavak pa depazitach u biełaruskich rublach.

«Uzmacnieńnie stabilnaści ŭ hrašova-kredytnaj śfiery dazvoliła pačać palityku źnižeńnia pracentnych stavak u ekanomicy. U toj ža čas nieabchodna padkreślić, što dziejny ŭzrovień pracentnych stavak pa-raniejšamu zabiaśpiečvaje nie tolki nadziejnuju abaronu rublovych źbieražeńniaŭ ad inflacyi, ale i ich značna bolš vysokuju dachodnaść u paraŭnańni z zamiežnaj valutaj», — havorycca ŭ paviedamleńni Nacbanka.

Nastupnyja kroki Nacyjanalnaha banka pa praviadzieńni hrašova-kredytnaj palityki buduć vyznačacca najaŭnymi inflacyjnymi tendencyjami, situacyjaj na hrašovym rynku, u realnym siektary ekanomiki i nakiravanyja na padtrymańnie cenavaj i finansavaj stabilnaści.

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH