Pra heta napres-kanfierencyi 21 sakavika paviedamiła namieśnik hienieralnaha dyrektara DVA «Minskaja haradskaja žyllovaja haspadarka» Halina Hilevič. Nahadajem, miesiačnik pa prybirańni, dobraŭparadkavańni i azielanieńni haradskich terytoryj projdzie z 1 pa 30 krasavika.
«Mahčymaść dla pryciahnieńnia nasielnictva ŭ nas jość, my praviali apytańni i vyśvietlili, što haradžanie chočuć udzielničać u naviadzieńni paradku na svaich dvarovych terytoryjach», — adznačyła Hilevič.
Jana paviedamiła, što razam z tradycyjnymi rabotami sioleta nasielnictva budzie ŭdzielničać u sumiesnym z žyllovymi słužbami dobraŭparadkavańni placovak dla vyhułu damašnich žyvioł, raźmietcy parkovačnych miescaŭ u dvarach, abuładkavańni novych parkovačnych miescaŭ. Śpiecyjalist patłumačyła, što žyllovymi słužbami vyjaŭlena 150–170 dadatkovych miescaŭ parkoŭki aŭtamabilaŭ u dvarach. «Dla ich abuładkavańnia, naprykład, spatrebicca panizić darožny bort, pierasadzić kustoŭje i h.d., što budzie zroblena nasielnictvam sumiesna z žyllovymi słužbami», — raskazała Hilevič.
«Sioleta zapłanavana pryciahnuć srodki i siły nasielnictva dla pasadki kvietak i abuładkavańnia hazonaŭ i kłumb u dvarach, dzie budzie arhanizavany prodaž pasadačnaha materyjału», — raskazała namieśnik hienieralnaha dyrektara. Akramia taho, budzie arhanizavany zbor mietałałomu, makułatury i škłaboju, a taksama ŭtylizacyja aŭtamabilaŭ, što nie ekspłuatujucca.
Jak paviedamiła namieśnik načalnika hałoŭnaha ŭpraŭleńnia ideałahičnaj raboty Minharvykankama Aksana Vołkava, na sajcie Minharvykankama (www.minsk.gov.by) jość śpiecyjalnaja rubryka, u jakoj raźmieščany płan dobraŭparadkavańnia horada. «Luby žychar Minska moža pakinuć na sajcie svaje kankretnyja prapanovy pa palapšeńni horada. Upieršyniu arhanizavany raździeł „Hramadski kantrol“, u jakim minčanie zmohuć pakidać svajo mierkavańnie pa jakaści rabot pa naviadzieńni paradku, jakija vykonvajucca haradskimi słužbami. Kali buduć zaŭvažanyja niedachopy, jany buduć ustaraniacca», — zapeŭniła pradstaŭnik Minharvykankama. Pavodle jaje słoŭ, takija ž raździeły stvorany na sajtach rajonnych administracyj.
Vołkava taksama paviedamiła, što padčas miesiačnika maładziožnaje abjadnańnie «Avanhard» pryciahnie
