KDB praviaraje kanały ŭciečki infarmacyi z atačeńnia Łukašenki 6

Kamitet dziaržaŭnaj biaśpieki Biełarusi pravodzić pravierku pa fakcie abnarodavańnia dakumienta z materyjałami narady ŭ prezidenta, jakaja nibyta adbyłasia 15 sakavika. Pra heta paviedamiŭ namieśnik načalnika centra infarmacyi i hramadskich suviaziaŭ KDB Artur Strech.

Praviarajucca sapraŭdnaść dakumienta, mahčymyja kanały ŭciečki infarmacyi.

20 sakavika ŭ internecie źjaviłasia ksierakopija pieraliku pytańniaŭ dla abmierkavańnia na naradzie ŭ Łukašenki. Nibyta 15 sakavika ŭ kiraŭnika dziaržavy pavinna była iści razmova pra biahučy stan dyjałohu «Biełaruś — ES», płany Jeŭrasajuza pa ŭzmacnieńni sankcyj adnosna Biełarusi 23 sakavika, pra stupień hatoŭnaści mahčymych mier reahavańnia ŭ adkaz. Da ich, miarkujučy pa dakumiencie, adnosiacca miery dypłamatyčnaha ŭździejańnia, u pryvatnaści pytańnie ŭdziełu krainy va Uschodnim partniorstvie, ahulnyja handlova-ekanamičnyja miery, tema tranzitu, sumiesnyja dziejańni ŭ miežach Adzinaj ekanamičnaj prastory, kropkavyja ekanamičnyja abmiežavańni adnosna kankretnych zamiežnych jurydyčnych i fizičnych asob.

U abnarodavanym dakumiencie ŭkazany błok pytańniaŭ dla abmierkavańnia z Rasijaj na vyšejšym uzroŭni. Da ich adnosiacca: pahłybleńnie palityčnaha ŭzajemadziejańnia i zabieśpiačeńnie palityka-dypłamatyčnaj padtrymki: vyniki ŭdziełu ŭ AEP, Jeŭrazijski ekanamičny sajuz, pierśpiektyvy adzinaj valuty; błok pytańniaŭ abaronnaha i vajenna-techničnaha kompleksu, padychody pa PRA, Paŭnočny maršrut dastaŭki hruzaŭ dla hrupoŭki ŭ Afhanistanie; uzmacnieńnie ŭzajemnaj pramysłovaj kaapieracyi, tema ŭdziełu Rasii ŭ pryvatyzacyi biełaruskich pradpryjemstvaŭ; vykarystańnie rasijskaj infrastruktury dla tranzitu biełaruskich tavaraŭ, tema źnižeńnia taryfaŭ na transparciroŭku čyhunačnym transpartam u napramku rasijskich partoŭ.

Jašče adno pytańnie, jakoje nibyta abmiarkoŭvałasia ŭ prezidenta 15 sakavika, — dalejšaje raźvićcio stratehičnaha partniorstva z Kitajem i pavieličeńnie ździełak ź juaniem.

0

0

0

0

0

0

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH