Pravabaroncu Valancinu Stefanoviču vyjezd za miažu abmiežavany Ministerstvam abarony ŭ suviazi z «uchileńniem ad mierapryjemstvaŭ pa pryzyvu na vajskovuju słužbu, słužbu ŭ rezervie».
Takuju daviedku Stefanovič atrymaŭ u adździele hramadzianstva i mihracyi. Kali pravaabaronca pryjšoŭ pa tłumačeńni ŭ Partyzanski vajenkamat, tam usie ździvilisia.
«Chto mianie moh pryzvać, kala ja 1972 hodu naradžeńnia i 12 hadoŭ tamu ŭ mianie skončyŭsia pryzyŭny ŭzrost? Pa-druhoje, terminovuju vajskovuju słužbu ja prachodziŭ dva hady. Tamu heta prosta nonsens. Supracoŭniki rajvajenkamata sprabujuć vyśvietlić hetaje pytańnie ŭ haradskim vajenkamacie. Bo tut pravieryli bazu dadzienych, adnosna mianie nijakich papier nikudy nie dasyłali. Chto mianie chacieŭ pryzvać na vajskovuju słužbu, pakul nieviadoma», — kaža Valancin Stefanovič.
Raniej admovili ŭ vyjeździe za miažu nibyta za ŭchileńnie ad vajskovaj słužby šef-redaktaru «Našaj Nivy» Andreju Dyńko, kaardynataru Biełsata ŭ Minsku Michasiu Jančuku, pravaabaroncu Andreju Bandarenku.
Radyjo Svaboda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
