Chto i jakim čynam prydumlaje nazvy dla novych staličnych vulic, šmat u čym zahadka. Minčuki nie razoŭ źviartalisia ŭ profilnuju haradskuju kamisiju z prośbaj nazvać adnu z vulic u honar Vasila Bykava, inšych viadomych biełarusaŭ, imiony jakich niezasłužana ihnarujucca. Paśla trahičnaj śmierci Rusłana Saleja mnohija prapanavali ŭviekaviečyć u horadzie i jaho imia. Ale pakul takoje rašeńnie nie pryniata. Na padychodzie čarhovaja «partyja» vulic, jakim treba prydumać nazvy. Što prapanavaŭ Minharvykankam?
Pra idei śpiecyjalistaŭ piša «Minski kurjer».
Bolšaść novych vulic znachodziacca ŭ mikrarajonach Ržaviec (Lebiadziny), Sucharava, Vialiki Les.Kali minčuki ŭchvalać prapanovy kamisii, to nieŭzabavie dźvie vulicy buduć zvacca ŭ honar ahraharadkoŭ:
— prajektujemaja vuł. №1 ad vuł. Cimirazieva da prajektujemaj vuł. №3 — vuł. Kniahininskaja, u honar ahraharadka Kniahinin, što ŭ Miadziełskim rajonie;
— prajektujemaja vuł. №5 ad prajektujemaj vuł. №1 da vuł. Naračanskaj — vuł. Illanskaja, u honar ahraharadka Illa ŭ Vilejskim rajonie.
Taksama ŭ Ržaŭcy źjaviacca vulicy Kamajskaja (u honar Kamajskaha voziera), vuł. Miastroŭskaja (pa imieni voziera Miastra) i vuł. Brasłaŭskaja.
U mikrarajonie Vialiki Les źjavicca vulica Hierojaŭ Stalinhrada. Prapanujecca nazvać isnujučy prajezd pamiž vuł. akademika Kupreviča i Francyska Skaryny vulicaj Prahramistaŭ (u honar Parka vysokich technałohij).
U Sucharava moža źjavicca vulica akademika Karskaha (viadomy navukoviec, etnohraf, fiłołah) i vulica Juryja Siemianiaki (kampazitar, narodny artyst BSSR).
Narešcie, prajektujemuju vulicu №1 (projdzie ad vuł. Hierojaŭ 120-j dyvizii da vuł. Rahačoŭskaj) prapanujuć nazvać vulicaj kursanta Hvišyjani u honar 21-letniaha chłopca, jaki ŭ 1999 hodzie kinuŭsia tušyć pasažyrski ciahnik, jaki jaki zahareŭsia ŭ rajonie stancyi Drahičyn, pa-hierojsku zahinuŭ. Cikava, što
takaja vulica ŭ horadzie ŭžo jość, praŭda, na zakrytaj terytoryi vajennaha haradka.