Rezidencyju na Minskim mory dabudavali 16

Šłahbaŭm i płot na ŭjeździe ŭ rezidencyju «Uschod».

Domik achovy.

Haściavaja stajanka.

«Zabaronienaja zona. Prachod zabaronieny». Razam z kalučym drotam i kamierami videanazirańnia.

Praz drevy možna razhladzieć niekalki domikaŭ.

Heta chata z kraju.

Ruch zabaronieny, papiaredžvajuć vypadkovych haściej.

Spadarožnikavaja mapa ad Jandeksa. Na joj vidać užo dabudavany basiejn.

Mapa ad Huhła trochi daŭniejšaja.

Rendar žyłoha kompleksu.

Rendary budynkaŭ.

Rendary budynkaŭ.

Rendary budynkaŭ.

Rendary budynkaŭ.

Pra novuju tajamničuju rezidencyju, jakaja budujecca na bierazie Minskaha mora, «Naša Niva» ŭpieršyniu napisała ŭ lipieni 2011 hoda. Tady čytač ź Minskaha rajona paviedamiŭ nam pra

«novyja Drazdy» — nievialiki rajon na piać domikaŭ z łaźniaj, basiejnam i fizkulturna-azdaraŭlalnym kompleksam.

U lesie kala Minskaha mora jakraz znajšoŭsia toj samy žyły kompleks «Uschod». Elitnaje budaŭnictva tady jašče praciahvałasia. Zabudoŭščyk — SAAT «UschodBieł» — pa «vypadkovym» supadzieńni mieŭ toj adnolkavy jurydyčny adras z kampanijaj «Itera-Bieł», jakaja atrymała ŭčastak pad biznes-kvartał«Minsk-Sici».

A voś budaŭničyja pracy, naprykład, pravodziła TAA «TDT», jakoje dahetul vyzvalenaje ad padatku na prybytak jak udzielnik budaŭnictva «Minsk-Sici».

Hetyja fakty ŭskosna paćviardžali infarmacyju, što rezidencyja na Minskim mory pabudavana rasijskaj «Iteraj» uzamien na łasy kavałak pasiarod Minska.

Ciapier, kali rasijanie nie parazumielisia ź biełaruskimi ŭładami i akazalisia vykinutyja z realizacyi «Minsk-Sici», my vyrašyli jašče raz palubavacca na novuju rezidencyju.

Z času papiaredniaj pajezdki prajšła bolš čym paŭhoda.

Za hety čas na pavarocie da «Uschodu» ŭźnik znak «Ruch zabaronieny». Zabaranili, darečy i spyniacca na darozie.

Kirujemsia znajomym maršrutam. Užo zdalok vidać, što adbylisia istotnyja źmieny. Pa-pieršaje, usie budaŭničyja časovyja pabudovy źnikli razam z pašpartam abjekta, vyzvaliŭšy miesca pad mini-stajanku dla aŭtamabilaŭ. Pa-druhoje,

pa ŭsim pierymietry aharodžy źjaviŭsia kalučy drot — vidać, haściej va «Uschodzie» nie čakajuć. Kab ich papiaredzić ich źjaŭleńnie, rastaŭlenyja i kamiery videanazirańnia. A kab zusim zastrašyć vypadkovych minakoŭ, visiać tablički «Zabaronienaja zona. Prachod zabaronieny»

Admietna, što ramontniki, jakija kruciacca pobač z darohaj, nie zadumvajučysia, nazyvajuć kompleks «rezidencyjaj». «Jak ty kažaš? «Uschod»? — śmiajucca jany. — 

Rezidencyja heta, što ž jašče».

Pa spadarožnikavym zdymku možna razhladzieć, što budaŭniki darabili ŭ elitnym pasiołku mini-futbolnaje pole i basiejn, kab haspadary «majontkaŭ» mahli zajmacca sportam. Razabrać astatnija zdymki składaniej, ale, jak i pisaŭ naš čytač, hod tamu, try vialikija damy tut jość.

Achoŭniki na ŭvachodzie ŭ kompleks niešmatsłoŭnyja.

«Pakińcie, kali łaska, terytoryju. My nie ŭpaŭnavažanyja z vami razmaŭlać», —

adkazvajuć jany na ŭsie pytańni, tak i nie namiaknuŭšy, što za vialikaja siamja chavajecca za kalučym drotam rezidencyi, jakuju achoŭvajuć z prezidenckim razmacham.

Jahor Marcinovič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH