Miaśnikovič daručyŭ Minfinu padrychtavać prapanovy pa raźvićci fondavaha rynku 4

Prem'jer-ministr Biełarusi Michaił Miaśnikovič daručyŭ Ministerstvu finansaŭ padrychtavać prapanovy pa raźvićci ŭ Biełarusi fondavaha rynku. Adpaviednaje daručeńnie jon daŭ siońnia, vystupajučy na pasiadžeńni kalehii ministerstva.

Pavodle słoŭ kiraŭnika ŭrada, dahetul taki važny instytut nie maje tvaru i znachodzicca ŭ zarodkavym stanie. «Vam treba apieratyŭna ŭnosić radykalnyja prapanovy pa paskoranamu zapusku fondavaha rynku ŭ źviazcy z rabotaj pa refarmavańniu adnosin ułasnaści i pryvatyzacyi», — zajaviŭ prem'jer-ministr, źviartajučysia da kiraŭnika Minfina.

Michaił Miaśnikovič raskazaŭ, što pavodle ekśpiertnych acenak, u śviecie kala $60 trłn. realnych aktyvaŭ i kala $600 trłn. vytvornych finansavych instrumientaŭ.

«Voś dzie hałoŭnaja krynica suśvietnaha finansavaha kryzisu, — skazaŭ jon.

 — Maje racyju prezident, jaki pastajanna źviartaje ŭvahu na pryjarytetnaść raźvićcia śfiery materyjalnaj vytvorčaści». Pry hetym finansavaja śfiera nie pavinna adryvacca ad realnaj ekanomiki, i ŭ hetym hałoŭnaja zadača Minfina jak rehulatara finansavaj sistemy krainy, reziumavaŭ kiraŭnik urada

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH