Matčavuju sustreču pieršaha raunda II hrupy Jeŭra-Afrykanskaj zony Kubka Devisa suprać Małdovy vyjhrała zbornaja Biełarusi. Pieramohu biełarusam prynios pieršy numar kamandy Uładzimir Ihnacik (215-y ŭ suśvietnym rejtynhu), jaki abyhraŭ 12 lutaha pieršaha numara małdavanaŭ Radu Ałbota (260) — 7:5, 7:6, 6:1. Ahulny čas matču skłaŭ 2 hadziny 34 chviliny.
Takim čynam, Biełaruś paviała ŭ matčavaj sustrečy ź likam 3:1 i zaklučny pajadynak spabornictvaŭ pamiž druhimi numarami kamand Dźmitryjem Žyrmontam (574) ad Biełarusi i Ramanam Barvanavym (252) ad Małdovy pieratvaryŭsia ŭ farmalnaść.
Nahadajem, 10 lutaha Ihnacik abyhraŭ Barvanava — 6:4, 6:2, 6:4, a Žyrmont sastupiŭ Ałbotu — 7:6, 5:7, 4:6, 2:6. 11 lutaha ŭ parnaj hulni biełaruski duet Maksim Mirny (3-i ŭ suśvietnym parnym rejtynhu) — Alaksandr Bury (184) nie pakinuŭ nijakich šancaŭ Maksimu Dubarenku (639) i Ramanu Barvanavu (543) — 6:2, 6:2, 6: 4.
U rejtynhu Kubka Devisa pierad hetaj sustrečaj zbornaja Biełarusi zajmała 51-je miesca, a małdavanie znachodzilisia na 77-j pazicyi. Raniej hetyja družyny pamiž saboj nie sustrakalisia. U nastupnym raŭndzie ŭ pačatku krasavika biełarusy zhulajuć ź lepšaj kamandaj pary Turcyja — Bośnija i Hiercahavina.
BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
