Sańnikaŭ admoviŭsia razmaŭlać z prakurorami 23

Z eks-kandydatam u prezidenty 8 lutaha sustreŭsia advakat. Jak paviedamiła žonka palityka Iryna Chalip, kandydat u prezidenty Andrej Sańnikaŭ admoviŭsia razmaŭlać z pradstaŭnikami prakuratury, jakija naviedali jaho ŭ kałonii «Vićba-3».

Pavodle jaje słoŭ, da Sańnikava pryjazdžali prakuror Viciebskaj vobłaści Alaksandr Čadziuk i načalnik adździeła Hienieralnaj prakuratury pa nahladzie za zakonnaściu vykanańnia kryminalnych pakarańniaŭ Juryj Haroška.

«Jany chacieli, kab Sańnikaŭ daŭ tłumačeńni, ale jon admoviŭsia ź imi razmaŭlać, — skazała Chalip.

 — Nakolki ja razumieju, jany pryjazdžali, bo pravodziać pravierku infarmacyi, jakaja źjaviłasia ŭ ŚMI paśla majoj pres-kanfierencyi, pra toje, što na Andreja akazvaŭsia cisk, a taksama abstaviny napisańnia im prašeńnia ab pamiłavańni. Taksama nie vyklučaju, što pravodzicca pravierka pa skarhach, jakija raniej pisali advakaty».

Chalip adznačyła, što, pa infarmacyi advakata, u Sańnikava «pakul usio bieź źmien». «Jon sam sabie amal ničoha nie kazaŭ, a advakat pytańni nie zadavała, bo jany byli prainstruktavanyja (ab čym nie havaryć)», — skazała Chalip.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH