Da Novaha hoda — 73 dni: Kandytarskija pradpryjemstvy pačali kamplektavać padarunki

Kandytarskija pradpryjemstvy «Biełdziaržcharčprama» pačali kamplektavać dziciačyja navahodnija padarunki, paviedamili BiełaPAN u pres-słužbie kancerna.

Usiaho płanujecca padrychtavać prykładna 2 młn. navahodnich baułaŭ pa canie ad 20 tys. da 80–100 tys. rubloŭ.

SAAT «Kamunarka» vypuścić 1 młn. štuk, SP AAT «Spartak»- 750 tys. Na «Spartaku» ŭžo sabrali 93 tys. padarunkaŭ, na «Kamunarcy»- 205 tys.

AAT «Čyrvony charčavik» padrychtuje da Novaha hoda 16 tys. padarunkaŭ, AAT «Kandytarskaja fabryka «Słodyč» — 45 tys. Jany pačnuć kamplektavać navahodnija bauły ŭ kancy kastryčnika. AAT «Čyrvony mazyranin» vypuścić 15 tys. padarunkaŭ. Ich kamplektacyja pačniecca ŭ listapadzie.

Jak adznačyli ŭ pres-słužbie, pavodle tradycyi mnohija navahodnija padarunki buduć aformleny ź simvolikaj nastupnaha hoda (hod Drakona pa ŭschodnim kalendary). U kožnaha pradpryjemstva jość navinki — niezvyčajnyja karobki-ŭpakoŭki, miakkija cacki i inš.

Navahodnija padarunki kamplektujucca ŭručnuju, dla čaho na pradpryjemstvach farmirujuć śpiecyjalnyja bryhady sa spraktykavanych majstroŭ. Uličvajučy vialiki abjom pracy, niekatoryja pradpryjemstvy pačynajuć kamplektavać padarunki z kastryčnika. Termin zachoŭvańnia šakaładnych cukierak zvyčajna składaje šeść-dzieviać miesiacaŭ.

Pieršyja partyi navahodnich padarunkaŭ pastupiać u prodaž užo ŭ kancy kastryčnika.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH