Uładalnik ofisa pa adrasie Krapotkina, 93a, jaki aranduje Partyja BNF, paprasiŭ jaje vyzvalić pamiaškańnie da 1 kastryčnika. Pra heta BiełaPAN paviedamiŭ kiraŭnik partyi Alaksiej Janukievič.
Pavodle jaho słoŭ, uładalnik źviarnuŭsia z prośbaj «pakinuć pamiaškańnie, tamu što jon źbirajecca jaho pradavać». «Takoje rašeńnie jon arhumientavaŭ asabistymi pryčynami», — skazaŭ Janukievič.
Zhodna z zakonam, «dziejańnie zaklučanaha dahavora nie moža być spynienaje ŭ tym vypadku, kali pamiaškańnie pradajecca», padkreśliŭ kiraŭnik partyi i dadaŭ, što BNF raźličvaje «vyrašyć situacyju tym ci inšym čynam».
«My praciahvajem płacić arendnuju płatu i apłačvać kamunalnyja pasłuhi, — zaznačyŭ Janukievič. — Pakul situacyja nie vymahaje ad nas nijakich dalejšych krokaŭ, ale ŭ vypadku, kali ŭładalnik padaść isk u sud, kab razarvać pahadnieńnie, budziem rabić adpaviednyja kroki».
Staršynia partyi vykazaŭ mierkavańnie, što ŭładalnik ofisa moh pryniać rašeńnie nie samastojna, choć «nijakich padstaŭ śćviardžać, što heta tak, niama». «U takich situacyjach zaŭsiody ciažka razabracca dakładna. My nie vyklučajem, što mohuć być i inšyja pryčyny pazicyi ŭładalnika pamiaškańnia, źviazanyja z žadańniem uład pazbavić nas i hetaha ofisa taksama. Ale, paŭtarusia, siońnia ŭ nas niama nijakich padstaŭ śćviardžać, što heta mienavita tak», — reziumavaŭ Janukievič.
Dahavor z uładalnikam ofisnaha pamiaškańnia byŭ zaklučany «na hod, i jon aŭtamatyčna praciahvaje dziejničać, kali niama nijakich pretenzij».
Nahadajem, partyja BNF 26 lipienia hetaha hoda była aficyjna vysielena z ofisa pa praśpiekcie Mašerava, 8, jaki arandavała z 1992 hoda. Prezientacyja novaj
