Lasun. Zasłaŭski muziej lasnoj mifałohii. Fota www.zaslaue.by.
Ubačyć lesuna zmohuć ŭdzielniki i hości hrybnoha čempijanatu, jaki ŭžo ŭ treci raz źbiare amataraŭ «cichaha palavańnia» z usioj Połaččyny ŭ turystyčnaj vioscy Dretuń, abiacaje hazieta «Viciebski rabočy».
Za pieramohu pazmahajucca zvyš 90 kamand (pa try čałavieki ŭ kožnaj). Udzielničać u čempijanacie buduć nastaŭniki, lekary, pradstaŭniki pramysłovaści, lasnoj i sielskaj haspadarki.
Rehistracyja ŭdzielnikaŭ budzie spynienaja za paŭhadziny da pačatku spabornictvaŭ — u 6.30 ranicy 10 vieraśnia.
Sioleta arhanizatary padrychtavali dla ŭdzielnikaŭ i haściej siurpryz. U časie spabornictva budzie prezientavany novy turystyčny brend Połaččyny — Lasun. Arhanizatary spadziajucca, što jon stanie nie mienš papularnym, čym prapisany na Pastaŭščynie Ziuzia Paazierski.