U palitźniavolenaha Alesia Kirkieviča była pieršaja sustreča z rodnymi.
U Navapołackaj kałonii, dzie znachodzicca ciapier namieśnik staršyni Maładoha Frontu, pabyvali jaho maci i žonka. Pavodle słoŭ maci, Łarysy Kirkievič, Aleś paśla karantynu, u jakim znachodziacca ŭ pieršy čas źniavolenyja, prystupiŭ da pracy. Jon zajmajecca vyrabam budaŭničych paddonaŭ.
«I my navat bačyli hetyja paddony ci pad cehłu, ci jašče jaki budaŭničy materyjał. Heta vialikija draŭlanyja paddony. Hetym jon zajmajecca ceły dzień, tamu času dla listoŭ zastajecca mała, asabistaha času taksama minimalna, kab čytać, čymści svaim zajmacca. Uvieś hety čas jon nie zajmajecca malavańniem, niama kali. A płata — simvaličnaja, h.zn. raźličvać, što buduć jašče
Listy, pavodle rodnych, ciapier dachodziać, ale sa spaźnieńniami. U Navapołackaj kałonii akramia palitviaźniaŭ Alesia Kirkieviča i Mikity Lichavida ŭžo znachodzicca i kandydat u prezidenty na minułych vybarach Andrej Sańnikaŭ.
