29 lipienia sudździa Haspadarčaha suda h. Minska Alaksandr Karamyšaŭ razhledzieŭ administracyjnuju spravu, uzbudžanuju HUUS Minharvykankama suprać «Našaj Nivy» i daŭ haziecie 400 bazavych vieličyń štrafu (14 miljonaŭ rubloŭ).
Sprava była inicyjavanaja Ministerstvam infarmacyi, što dasłała ŭ HUUS Minharvykankama list «Ab pryciahnieńni da administratyŭnaj adkaznaści». Tym listom Mininfarmacyi inicyjavała administratyŭnyja spravy suprać «Našaj Nivy» i «Narodnaj voli» abumoviŭšy ich tym, što vydańni mieli ciaham hoda pa dva papiaredžańni.
Častka 3 artykuła 22.9, pavodle jakoj była raspačataja sprava, praduhledžvaje pakarańnie ad 100 da 500 bazavych vieličyniaŭ (ad 3 500 000 da 17 500 000 rubloŭ).
Siońniašni sud byŭ pieršym precedentam takoha sposabu ŭździejańnia na niezaležnuju presu — jašče nikoli raniej Mininfarmacyi nie raspačynała spravu suprać vydańniaŭ «rukami» milicyi.
«NN» jašče nie asprečyła papiaredžańnia ad 6 lipienia, jakoje stała farmalnaj pryčynaj dla ŭzbudžeńnia spravy. Ale sudździa admoviŭsia prypynić spravu na hetaj padstavie.
Padčas suda padviśli ŭ pavietry pytańni pra jurydyčnuju niestykoŭku miž Kodeksam ab administratyŭnych pravaparušeńniach i Zakonam «Pra srodki masavaj infarmacyi». Bo Kodeks prapanuje pryciahvać da adkaznaści «srodak masavaj infarmacyi», jaki, pa sutnaści, źjaŭlajecca praduktam, stvoranym redakcyjaj. Nie było adkazu i na pytańnie, ci atrymali papiaredžańni dziaržaŭnyja haziety, jakija taksama majuć pamyłki ŭ vychodnych źviestkach.
Arhumienty pradstaŭnika «NN» ab tym, što adsutnaść indeksa ŭ adnym numary heta małaznačnaje parušeńnie, što zakładzieny ŭ Kodeksie pamier štrafu — hihancki, jak na takuju vinu, i stavić pad pahrozu dziejnaść Redakcyi, što ničyje intaresy nie byli hetym parušeńniem zakranutyja sud pryniaŭ pad uvahu. Adnak na rašeńnie sudździ jany nie paŭpłyvali.
Pradstaŭnik Mininfarmacyi, vyklikany sudom «dla tłumačeńniaŭ» akcentavaŭ uvahu na tym, što ad 1991 hoda, za ŭvieś čas isnavańnia adnoŭlenaj «NN», hazieta atrymała kala dziesiaci papiaredžańniaŭ. Ź ich apošnija čatyry — za dva minułyja hady. I, inicyjujučy hetuju spravu, Mininfarmacyi zvažała na hetuju «sistematyčnaść».
Nahadajem, papiaredžańni Mininfarmacyi ledź nie stali pryčynaj zakryćcia «NN». Ale 12 lipienia ministerstva niečakana adklikała svaju pozvu.
Jak adznačyła tady kiraŭnik Biełaruskaj asacyjacyi žurnalistaŭ Žanna Litvina, na rašeńnie Mininfarma moh paŭpłyvać ekanamičny kryzis u krainie: «Vierahodna, vyrašyli, što čarhovy brutalny praces ciapier nie patrebien. Mabyć, na heta paŭpłyvała pryncypovaja pazicyja Jeŭrasajuza ŭ adnosinach da biełaruskich uład, u pryvatnaści, toje, što ŚMI praciahvajuć zastavacca dla ES pryjarytetam».
Nahadajem, 17 červienia, u časie
«NN» maje dziesiać dzion na abskardžańnie siońniašniaha rašeńnia Haspadarčaha suda Minska.
Sudy Mininfarmacyi z NN — svojeasablivaja łakmusavaja papierka stanu biełaruskaj sudovaj sistemy. Pry kancy
