Alaksandar Łukašenka zajaviŭ, što jon vystupaje suprać naviazvańnia čałavieku relihii i padšturchoŭvańnia ludziej iści ŭ chram. «Ja pieraściaroh by śviaščennasłužycielaŭ ad zališniaj paśpiešnaści ŭ planie zakliku ŭsich iści ŭ chram. Ni ŭ jakim vypadku hetaha nielha rabić, inakš usio budzie naadvarot — my adšturchniom ludziej», — padkreśliŭ prezydent siońnia na sustrečy z členami Synodu Biełaruskaj pravasłaŭnaj carkvy.
Alaksandar Łukašenka adznačyŭ hatoŭnaść kiraŭnictva krainy «abmiarkoŭvać prablemy, jakija stavić carkva». «Hołas śviaščennasłužycielaŭ dla našaha hramadztva źjaŭlajecca ŭzoram karektnaści, razumieńnia tych pracesaŭ, jakija adbyvajucca ŭ respublicy», — skazaŭ jon. Adznačyŭšy, što dziaržava i ŭ dalejšym budzie padtrymlivać carkvu, prezydent vykazaŭsia za toje, kab chramy ŭ Biełarusi budavalisia tolki tam, dzie jany sapraŭdy patrebny ludziam.
