1 červienia płanujecca pačatak raboty ŭ testavym režymie haradskoj elektryčki. Pra heta 24 maja na pres-kanfierencyi paviedamiŭ namieśnik načalnika pasažyrskaj słužby Biełaruskaj čyhunki Siarhiej Mackievič.
Pry hetym jon adznačyŭ, što ŭ zvyčajnym režymie haradskaja elektryčka budzie chadzić pa zaviaršeńni kapitalnaha ramontu šlachoŭ. Mackievič taksama zajaviŭ, što
pieršaja elektryčka pojdzie pa maršrucie Minsk - Zasłaŭje - Minsk.
Jon nahadaŭ, što dla pracy haradskoj elektryčki zakuplena try ciahniki šviejcarskaj kampanii Stadler, płanujecca zakupić jašče siem.
Biełaruskaja čyhunka ŭ sakaviku 2010 hoda zaklučyła kantrakt sa Stadler na pastaŭku 10 elektraciahnikoŭ. Košt kožnaha składaje kala 6 młn. jeŭra. U lutym hetaha hoda Stadler dastaviŭ u Biełaruś dva elektraciahniki dla ŭnutryharadskich pieravozak. Da kanca biahučaha hoda BČ atrymaje jašče try elektraciahniki, a ŭ 2012 hodzie - astatnija piać sastavaŭ.
Hladzi taksama: Pajechali! U Minsku prezientavali šviejcarskuju elektryčku
0
0
0
0
0
0
