Ale Sańnikavaj, maci byłoha kandydata ŭ prezidenty Andreja Sańnikava, dazvolili spatkańnie z synam.
Jak paviedamiła BiełaPAN Ała Sańnikava, 23 maja jana naviedała sud Partyzanskaha rajona Minska, jaki vynies pryhavor jaje synu. Tam joj paviedamili, što spatkańnie dazvolena.
Maci asudžanaha palityka pakul nie vyznačyłasia, kali mienavita pojdzie ŭ śledčy izalatar MUS na vulicy Vaładarskaha, dzie znachodzicca Andrej Sańnikaŭ. Jana adznačyła, što dazvoł sapraŭdny na praciahu troch dzion.
14 maja ŭ sudzie Partyzanskaha rajona Minska kandydat u prezidenty na vybarach 2010 hoda Andrej Sańnikaŭ byŭ pryhavorany da piaci hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu. Sańnikaŭ pryznany vinavatym pa častcy 1 artykuła 293 KK (arhanizacyja masavych biesparadkaŭ), jaki praduhledžvaje pazbaŭleńnie voli ad piaci da 15 hadoŭ.
