Aktyvisty kampanii «Sychodź!» padrychtavali zvaroty ŭ Administracyju prezydenta, Hieneralnuju Prakuraturu j Ministerstva infarmacyi.
Aŭtary zvarotaŭ zaachvočvajuć kožnaha nieabyjakavaha biełarusa dasłać kopii zvarotaŭ (mahčyma z ułasnymi varyjacyjami) ŭ vyšejšyja vorhany dziaržavy dziela ŭstalavańnia zakonnaści, spraviadlivaści i pošuku adkazaŭ na nadzionnyja pytańni ŭ ciapierašniaj ekanamičnaj i palityčnaj sytuacyi ŭ krainie.
«ŠOStaja kałona maje paradkavy numar na adzinku bolej za piatuju. Skažycie, kali łaska, prynaležnaść da ŠOStaj kałony budzie mieć dla mianie niejkija niehatyŭnyja nastupstvy? — paviedamlajecca ŭ zvarocie ŭ Administracyju prezidenta. — Zakanadaŭstva nie zabaraniaje ličyć siabie prychilnikam i čalcom ŠOStaj kałony, jak i nie zabaraniaje ličyć elfam abo lićvinam, da katorych ja siabie, miž inšym, adnošu. Ale kali zabaraniajecca dziejnaść piataj kałony, to, z ulikam, ŠOS, što 6>5, mahčyma, prychilniki ŠOStaj kałony buduć nieści bolšuju adkaznaść?»
«U filmie «Płošča. Žielezom po stiekłu» demanstravali, što ŭdzielniki paślavybarčych padziejaŭ 19 śniežnia mieli pry sabie chałodnuju zbroju, hranaty, vybychoŭki. Mianie, jak zaŭziataha pacyfista aburyŭ fakt najaŭnaści zbroi. I vielmi chočacca viedać, imiony złodziejaŭ, jakija jaje prynieśli,« — zapytvajuć aŭtary zvarotaŭ u Hienieralnaj prakuratury.
U zvarocie da Ministerstva infarmacyi vykazvajecca spadziavańnie, što Mininf nie začynić niezaležnyja hazety «Naša Niva» j «Narodnaja vola», bo nia pojdzie suprać Kanstytucyi, Dekłaracyi pravoŭ čałavieka i hramadzianina, jaki vykonvaje abaviazki prezidenta — vyšejšaj pasady ŭ našaj krainie.
