Paśla aryštu adzinaha karmiciela žonka palitviaźnia Natalla zastałasia z tryma dziećmi i sacyjalnaj dapamohaj u pamiery mienšaj za 60 dołaraŭ.
Da taho ž u suviazi z «niepłaciežazdolnaściu» ułady adabrali ŭ Kłaskoŭskich kvateru, jakuju jany budavali jak šmatdzietnaja siamja.
Pa słovach siastry aryštavanaha Volhi Kłaskoŭskaj,
vielmi časta nie chapaje hrošaj navat na pieradačy ŭ SIZA KDB.
— Situacyja vielmi składanaja i vielmi trahičnaja. Alaksandr — šmatdzietny baćka — u jaho zastałosia troje niepaŭnaletnich dziaciej. Starejšamu, Alaksieju, 11 hod, Dašy — 7 hod, a małodšamu Arsieniju — u lipieni spoŭnicca 3 hady. Jaho žonka znachodzicca ŭ dekretnym adpačynku pa dohladzie za dziciem, i značyć, što siamja znachodzicca prosta — nie chočacca ŭžyvać słova «biednaść» — ale pierad imi staić pytańnie vyžyvańnia, — raspaviała Volha Kłaskoŭskaja «Radyjo Racyja».
Dapamahčy siamji Kłaskoŭskich možna pieraličyŭšy hrošy na rachunak 00000002 (siem nuloŭ, dva) u filijale Biełarusbanka № 511–315, albo paštovym pieravodam na adras 220094, h. Minsk, praśpiekt Rakasoŭskaha 37–70, Kłaskoŭskaj Natalli Michajłaŭnie.
Nahadajem, što Biełaruskija ŭłady abvinavačvajuć byłoha milicyjaniera Alaksandra Kłaskoŭskaha ŭ arhanizacyi i ŭdziele ŭ masavych biesparadkach 19 śniežnia, akramia hetaha — abrazie pradstaŭnika ŭłady, a taksama samavolnym prysvajeńni zvańnia słužbovaj asoby. Čałavieku, jaki ŭ formie vyjšaŭ na akcyju pratestu, pahražaje da 15 hadoŭ turemnaha źniavoleńnia.
Sud nad im — poruč z sudom nad Mikałajem Statkievičam i Dźmitryjem Usam — raspačniecca 11 maja ŭ Leninskim rajonnym sudzie.