Na 8—9 lipienia zapłanavany I fiestyval mastactvaŭ biełarusaŭ śvietu 3

Pra padrychtoŭku da hetaj tvorčaj akcyi byli prainfarmavanyja kiraŭniki hramadskich arhanizacyj biełarusaŭ Hruzii, Polščy, Litvy, Ukrainy i Estonii, a taksama pradstaŭniki biełaruskamoŭnych ŚMI dyjaspary na sustrečy ŭ Ministerstvie kultury 5 maja ŭ Minsku,

paviedamiła BiełaPAN pres-sakratar Minkultury Hanna Smolskaja.

Pavodle jaje słoŭ, padčas razmovy byli abmierkavanyja aktualnyja pytańni raźvićcia supracoŭnictva ź biełarusami zamiežža ŭ śfiery kultury. Hała-kancert I fiestyvalu mastactvaŭ biełarusaŭ śvietu zapłanavany na 9 lipienia ŭ miežach XX Mižnarodnaha fiestyvalu mastactvaŭ «Słavianski bazar u Viciebsku». Adbudziecca taksama šerah mierapryjemstvaŭ fiestyvalu ŭ Minsku, u tym liku vystavy mastakoŭ i fatohrafaŭ, sustrečy ź litaratarami biełaruskaj dyjaspary.

Jak adznačyła pres-sakratar, dasiahnuta damoŭlenaść ab raźvićci supracoŭnictva ź biełarusami zamiežža pa padrychtoŭcy i arhanizacyi fiestyvalu, ab pašyreńni ŭdziełu pradstaŭnikoŭ dyjaspary ŭ kulturnym žyćci Biełarusi. Hetaje pytańnie płanujecca abmierkavać na druhim pasiadžeńni Kansultatyŭnaha savieta pa spravach biełarusaŭ zamiežža pry Ministerstvie kultury, jakoje adbudziecca padčas fiestyvalu, paviedamiła Smolskaja.

Pavodle jaje słoŭ, pradstaŭniki delehacyj biełarusaŭ zamiežža byli prainfarmavanyja ab pracy pa raspracoŭcy prajekta dziaržaŭnaj prahramy «Biełarusy ŭ śviecie» na 2011–2015 hady, sučasnym stanie i raźvićci kultury ŭ krainie, a taksama płanach pa adkryćci kulturnych centraŭ Biełarusi za miažoj na praciahu 2011–2015 hadoŭ.

Udzielniki sustrečy vykazali šerah prapanoŭ pa padtrymcy kulturnych prajektaŭ i mierapryjemstvaŭ u metach pradstaŭleńnia biełaruskaj kultury za miažoj i raźvićcia mižnarodnych kulturnych suviaziaŭ, skazała Smolskaja.

Pavodle jaje słoŭ, delehacyi kiraŭnikoŭ biełaruskich hramadskich abjadnańniaŭ zamiežža i pradstaŭniki biełaruskamoŭnych ŚMI dyjaspary znachodziacca ŭ Biełarusi ŭ miežach udziełu ŭ XV Minskaj mižnarodnaj vystavie «ŚMI ŭ Biełarusi».

0

0

0

0

0

0

Marat Haravy, BiełaPAN`

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH