U Minsku zatrymany aŭtazłodziej

Siońnia ranicaj u Centralnym rajonie Minska zatrymany aŭtazłodziej. Pry sabie jon mieŭ šruboŭku i śpiecyjalnym čynam vyhnutyja nažnicy, jakija pryznačalisia dla adkryćcia aŭtamabilnych zamkaŭ.

Złavić złodzieja atrymałasia dziakujučy pilnaści hramadzian, jakija paviedamili ŭ milicyju pra toje, što kala doma № 31 pa vulicy Viery Charužaj padazrony mužčyna zaziraje ŭ vokny pryparkavanych aŭtamabilaŭ. Prybyŭšy na miesca, supracoŭniki DAI ŭbačyli, što ŭ adnaho z pryparkavanych aŭto — maršrutnaha mikraaŭtobusa «Ford» — užo raźbita bakavoje škło, a ad jaho chucieńka adychodzić čałaviek. Adzin z žycharoŭ doma kryknuŭ, što heta i jość toj padazrony mužčyna. Uciekača dahnali. Pry zatrymańni ŭ jaho z-pad kurtki vypaŭ kasavy aparat, jaki vykarystoŭvajecca ŭ maršrutkach.

Zatrymany — 26-hadovy minčanin, raniej byŭ nieadnarazova sudzimy za kradziažy. Siońnia ranicaj jon vyjšaŭ na «pracu» napadpitku.

U dačynieńni da padazravanaha, chutčej za ŭsio, budzie raspačata kryminalnaja sprava pa č.2 art.205 Kryminalnaha kodeksa Biełarusi («Kradziež»). Pravodzicca rasśledavańnie.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH