Prezident Rasii praciahvaje zabaŭlaćinternet-publiku tancami. Dniami na YouTube źjaviŭsia videarolik, u jakim Dźmitryj Miadźviedzieŭ na paru z Harykam Martyrasianam «zapalvaje» pad pieśniu American Boy papularnaj u1990-ja hrupy «Kambinacyja».
U
Niekatoryja błohiery ŭ tancach pa Miadźviedzieva ŭbačyli namiok na «žanočy pačatak» i pačali złosna žartavać na temu nietradycyjnaj seksualnaj aryjentacyi.
Byli i niehatyŭnyja vodhuki ŭ duchu «prezident tańčyć na kaściach rasiejcaŭ», a zychodziačy z nazvy i sensu pieśni, niekatoryja stali budavać davoli niaŭciamnyja vysnovy ab zdradzie radzimy i namiery kiraŭnika dziaržavy emihravać u ZŠA. Zrešty,
u Miadźviedzieva znajšłosia i šmat abaroncaŭ, jakija ŭchvalili jaho «ŭmieńnie adpačyvać, jak usie zvyčajnyja ludzi».
Jak adznačaje «Diełovoj Pietierburh», karystač KremlinLivia zarehistravaŭsia na YouTube, miarkujučy pa dacie, tolki dla taho, kab vykłaści hety adziny rolik. Šmatznačny nik, pavodle mierkavańnia vydańnia, moža słužyć namiokam na prazachodni punkt hledžańnia Miadźviedzieva na kanflikt u Livii, a videa — svajho rodu «pomstaj», dyskryminacyjaj prezidenta. Jašče adnym namiokam moža słužyć i toje, što rasiejski lider tancuje mienavita pad «American Boy» («Amierykanski chłopčyk»).
Rolik pahladzieła bolš za miljon karystalnikaŭ. Sam Miadźviedzieŭ prakamientavaŭ siužet u tvitery, adkazvajučy na zapis karystalnicy Halfblood_Uliss, jakaja napisała: «Vy tańčycie jak moj tata! Siońnia z ranicy vydatny nastroj dziakujučy videa z Vami:)».
«Pa ŭzroście, padobna, tak i jość)). Zapalvajem hod tamu na sustrečy z kursam.
Tancy / muzyka — jašče tyja, jakija adpaviadajuć minułamu)», — napisaŭ Miadźviedzieŭ.
Rasijski prezident i raniej zabaŭlaŭ publiku tancami. Nie zastaŭsia niezaŭvažanym jaho «vystup» na letašnim źlocie prakramloŭskaj moładzi na Sielihier.
