«Biełaruski» skandał u Kirhizstanie 5

Pieršy vice-premjer ciapierašniaha ŭradu Kirhizstanu Amurbiek Babanaŭ abvinavačany ŭ tym, što padčas niadaŭniaha aficyjnaha vizytu ŭ Maskvu patajemna naviedaŭ Miensk, dzie sustrakaŭsia z čalcami kłanu zrynutaha prezydenta Bakijeva, u pryvatnaści, z byłym prezydentam Kurmanbiekam Bakijevym i jaho synami Maksimam i Maratam.

Jak paviedamiŭ Ajdanbiek Teškienbajeŭ, karespandent kirhiskaj słužby našaha radyjo, Babanaŭ vałodaje cementnym zavodam u Pienzie, pryčym saŭładalnikam zavodu źjaŭlajecca mienavita Maksim Bakijeŭ.

Pavodle čutak, Babanaŭ sustrakaŭsia ŭ Miensku z bratami Bakijevymi dla abmierkavańnia supolnych biznesovych intaresaŭ, ale mahčyma, i nia tolki.

Deputat parlamentu ad frakcyi Ata -Miekien Erkin Ałymbiekaŭ zapatrabavaŭ ad hieneralnaj prakuratury daśledavać sapraŭdnaść infarmacyi pra patajemny vizyt pieršaha vice-premjera ŭ Miensk.

Pieršy čas paśla prychodu da ŭłady K.Bakijeva ŭ 2005 hodzie Amurbiek Babanaŭ byŭ u apazycyi da jaho, byŭ adnym ź lideraŭ ruchu «Za reformy». Ale praz paŭtara hoda znajšoŭ parazumieńnie z prezydentam i staŭ pieršym vice-premjeram jaho ŭradu. Hetuju samuju pasadu Babanaŭ zajmaje i ŭ ciapierašniaj uładzie.

Spravu ab supolnym biznesie vice-premjera i vysokich pradstaŭnikoŭ zrynutaha režymu, a taksama ab inšych abvinavačańniach u karupcyi vyvučaje parlamenckaja kamisija. Na čas daśledavańnia Babanaŭ padaŭ u časovuju adstaŭku.

Kirhiskaje vydańnie vesti.kg paviedamlaje pra zajavu pieršaha vice-premjera, što jon admoviŭsia ad svajoj doli ŭ pienzienskim cementnym zavodzie.

0

0

0

0

0

0

Jury Drakachrust, Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH