Uvosień 2007 hoda publikavaŭsia materyjał pa spravie hamialčanina Siarhieja Siamionava, jaki, pierajazdžajučy biełaruska-ŭkrainskuju miažu, zapatrabavaŭ ad pamiežnych słužbaŭ aficyjnych znosinaŭ vyklučna pa-biełarusku i za heta paciarpieŭ. Hety vypadak mocna zapaŭ mnie ŭ dušu.
Ź niadaŭniaha času ja vyrašyŭ iści takim ža šlacham i pryncypova patrabavać ad uładaŭ źviartacca da mianie na biełaruskaj movie. I adrazu ža napatkaŭ jurydyčnyja represii. Praŭda, pakul biez sudovaha pieraśledu. Ja b vielmi chacieŭ ustupić u asabistaje listavańnie, paznajomicca z čałaviekam, jaki kaliści padaŭ mnie taki prykład.
Ja vydatna ŭśviedamlaju, što ŭ atmaśfiery chłuśni dy špijonskich intryh, jakuju stvaryli łukašysty, nivodnamu nieznajomamu ci małaznajomamu čałavieku niama poŭnaha davieru. Tamu ja nie prašu vas dać mnie kantaktnuju infarmacyju spadara Siamionava. Tym bolš što navat u demakratyčnaj atmaśfiery heta było b nieetyčna.
Adnak ja vielmi prašu vas paviedamić jamu pra maju cikavaść da jahonaha ŭčynku i paprasić jaho napisać mnie list na moj elektronny paštovy adras [adras jość u Redakcyi].
Ja pierakanany, što ludzi, dziejnaść jakich tak ci inakš skiravanaja na adnu spravu, musiać u imia pośpiechu hetaj spravy jak minimum mieć suviazi pamiž saboj.
Budu vielmi čakać vašu dy spadara Siamionava reakcyju.
Z pavahaj, pobytavy dysident Alaksiej V. Klimienka
Ad Red. Kali sp. Siamionaŭ paličyć patrebnym, chaj dašle ŭ Redakcyju svoj elektronny adras, a my jaho skirujem sp.Klimienku.
