Biełaruski prajekt «Zapadnaja Ruś» uznaharodžany dypłomam Pravasłaŭnaj carkvy 20

Navukova-aśvietnicki prajekt «Zapadnaja Ruś» uznaharodžany dypłomam Biełaruskaj Pravasłaŭnaj carkvy za arhanizacyju i praviadzieńnie kanfierencyi «Mitrapalit Litoŭski Iosif Siamaška i jaho čas».

Uznaharodžańnie adbyłosia 16 krasavika ŭ Minsku pa vynikach 9. Duchoŭna-aśvietnickajvystavy-kirmaša «Vierbny kirmaš», paviedamiŭ kiraŭnik prajekta Ihar Zielankoŭski.

Kiraŭnik prajekta «Zapadnaja Ruś» adznačyŭ, što ŭ dalejšych płanach — praca pa ŭśviedamleńni biełaruskaha naroda jak častki «rasiejskaha śvietu» i Biełarusi jak składnika «Śviatoj Rusi».

«U hetych płanach i praciah pracy pa ŭviekaviečańni pamiaci navukoŭca-fiłołaha Jaŭchima Karskaha, — paviedamiŭ Zielankoŭski. — Nami taksama zapłanavany cykł lekcyj i kanfierencyj, pryśviečanych vialikim biełarusam-zachodnierusistam, a taksama mierapryjemstvy, pryśviečanyja vajnie 1812 hoda, Pieršaj suśvietnaj vajnie i inš».

Pa słovach Zielankoŭskaha, u červieni projdzie mierapryjemstva, pryśviečanaje zachodnierusizmu: «Takaja kanfierencyja jašče ni razu nie pravodziłasia. Pa dacie praviadzieńnia jana supadzie z hadavinaj našaha prajektu».

«Zapadnaja Ruś» taksama damahajecca ad Minharvykankama ŭšanavańnia ŭ stalicy Biełarusi pamiaci biełaruskaha navukoŭca-fiłołaha Jaŭchima Karskaha. «Zapadnaja Ruś» ličyć nieabchodnym pierajmienavać adnu z centralnych płoščaŭ ci vulic horada Minska, uviekaviečyŭšy imia aŭtara šmattomnaha daśledavańnia «Biełarusy».

0

0

0

0

0

0

SH; inf. regnum.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH