Straty, što panios «Minsktrans» u suviazi z vybucham u Minskim mietrapalitenie 11 krasavika, aceńvajucca ŭ 4 młrd rubloŭ.
Jak paviedamiŭ pieršy namieśnik staršyni Minharvykankama Ihar Vasiljeŭ, papiaredniaja suma škody pradpryjemstva «Minsktrans» — kala 4 młrd rubloŭ. «Heta vydatki pa ŭznaŭleńni ruchomaha sastavu mietro, a taksama stancyj padziemki», — skazaŭ Vasiljeŭ. Akramia taho, mietrapaliten atrymaŭ straty ad prastoju, bo pieršaja linija nie pracavała dvoje sutak paśla terakta. Staličnyja transpartniki panieśli straty praz vyvad na liniju dadatkovaj kolkaści aŭtobusaŭ, tralejbusaŭ i tramvajaŭ.
Jak adznačyŭ Vasiljeŭ, ahulnaja suma strat ad terakta budzie vyznačana paźniej, kali źjaviacca danyja abjomie finansavych srodkaŭ, nakiravanych na akazańnie materyjalnaj dapamohi paciarpiełym, apłatu balničnych listoŭ, reabilitacyju i h.d.
0
0
0
0
0
0
