Ab hetym paviedamili karespandentu ahienctva «Interfaks-Zachad» u Dziaržsakrataryjacie Radzie biaśpieki krainy.
«Usie troje — žychary Mienska — byli zatrymanyja i źmieščanyja ŭ śledčy izalatar za toje, što z dapamohaj interniet-forumaŭ i sacyjalnych internet-sietak raspaŭsiudžvali zahadzia iłžyvyja źviestki pra nibyta ažyćcioŭlenych ŭ biełaruskaj stalicy terarystyčnych aktach: vybuchach aŭtobusaŭ, aŭta- i čyhunačnaha vakzałaŭ», — adznačyŭ surazmoŭca ahienctva.
Pa jahonych słovach, takija čutki «naŭmysna pieraśledujuć metu pasiejać paniku i destabilizavać hramadska-palityčnuju situacyju ŭ horadzie». Supracoŭnikami śpiecsłužbaŭ «užo ŭstalavanyja asoby jašče dziesiaci raspaŭsiudžvalnikaŭ iłžyvaj infarmacyi, u samy bližejšy čas u dačynieńni da ich buduć pryniatyja adpaviednyja miery», adznačyŭ pradstaŭnik Dziaržsakrataryjata Rady biaśpieki.
Pakul niajasna, ci sapraŭdy pačalisia zatrymańni z abvinavačvańniem u duchu 30-ch, ci heta tolki kačka, zapuščanaja, kab źbić chvalu čutak.
