U Biełarusi stvorana Asacyjacyja zabudoŭščykaŭ abjektaŭ žyllovaha budaŭnictva 5

U Biełarusi stvorana Asacyjacyja zabudoŭščykaŭ abjektaŭ žyllovaha budaŭnictva, paviedamiŭ na pres-kanfierencyi 6 krasavika hienieralny dyrektar hrupy kampanij «Juniviest-M», staršynia savieta asacyjacyi Uładzimir Zdabnoŭ.

Asacyjacyja była zarehistravana 3 sakavika ŭpraŭleńniem justycyi Minharvykankama. Na hety čas u saviet asacyjacyi i ŭ jaje samu ŭvajšli siem viadučych deviełopierskich kampanij Biełarusi: STAA «Aresa-Servis», STAA «Tambaz», AAT «Biełbud», AAT «10 UNR», hrupa kampanij «Juniviest-M» ZAAT «Maskoŭskaja inviestycyjnaja kampanija», hrupa kampanij «A-100».

Jak zaznačyŭ Zdabnoŭ, «zaraz kožny zabudoŭščyk u svajoj pracy sutykajecca z šeraham prablem, jakija nie znachodziać naležnaha tłumačeńnia ŭ narmatyŭna-pravavych aktach. Heta adnosicca da takich kirunkaŭ, jak arhanizacyja finansavańnia budaŭnictva, strachavańnie budaŭnictva, budaŭnictva abjektaŭ inžyniernaj, transpartnaj, sacyjalnaj infrastruktury, znos siadzibnaj zabudovy i da t.p.».

Pavodle słoŭ staršyni savieta asacyjacyi, «stvareńnie asacyjacyi zabudoŭščykaŭ abumoŭlena nieabchodnaściu pavyšeńnia efiektyŭnaści ŭ pracy zabudoŭščykaŭ žylla i raźvićcia pryvatna-dziaržaŭnaha partniorstva ŭ śfiery zakanadaŭčaha rehulavańnia śfiery žyllovaha budaŭnictva».

Asacyjacyja płanuje ŭziać udzieł u raspracoŭcy narmatyŭnych pravavych aktaŭ, što rehulujuć dziejnaść zabudoŭščykaŭ «dla pavyšeńnia efiektyŭnaści ich dziejnaści i źnižeńnia sabiekoštu abjektaŭ žyllovaha budaŭnictva i pavyšeńnie inviestycyjnaj pryciahalnaści śfiery žyllovaha budaŭnictva».

Zdabnoŭ paviedamiŭ, što členy savieta ŭžo sustrelisia z vice-premjeram Biełarusi Anatolem Kalininym, jakomu pieradadzieny śpis prablemnych pytańniaŭ, ź jakimi sutykajucca zabudoŭščyki žylla. Taksama adbyłasia sustreča ź ministram architektury i budaŭnictva Anatolem Ničkasavym.

Pavodle słoŭ Zdabnova, asacyjacyja «adkrytaja dla pryjomu zabudoŭščykaŭ z usich rehijonaŭ Biełarusi».

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH